Kombëtarja e Bosnje dhe Hercegovinës në basketboll arriti një fitore të madhe në Kampionatin Evropian.
Të udhëhequr nga trajneri Adis Beçiragiq, Bosnja e mposhti Greqinë me vetëm tri pikë dallim, 80:77.
Me këtë fitore kombëtarja boshnjake ka arritur shanset për një kualifikim në 1/8 e më të mirëve.
Basketbollisti Jusuf Nurkić udhëhoqi ekipin boshnjak me 18 pikë dhe 10 kërcime, i ndihmuar nga John Roberson i cili shënoi po aq pikë. Edin Atić ishte gjithashtu me shifra dyshifrore me 15 pikë dhe 8 kërcime.
Bosnja luan të enjten kundër Gjeorgjisë dhe një fitore eventuale do të thoshte kalim tutje në fazën e radhës të Eurobasketit.
