Zafir Berisha nga Nisma Socialdemokrate ka thënë se partitë opozitare nuk duken, sipas tij, serioze për formimin e një koalicioni nëse dështon formimi i Qeverisë nga partia e parë, Lëvizja Vetëvendosje.
Në emisionin DPT Fidani, ai ka deklaruar se prioritet për partitë opozitare doli të jetë pozita e kryeministrit.
“Në fillim është dukur, dhe për atë ne ndoshta kemi qenë të zëshëm se duhet të jenë partitë opozitare se ato duhet të bëjnë koalicionin sepse me kalimin e kohës është duke u parë se nuk është serioze, mbi të gjithë këtë që fola në këtë situatë të përgjithshme që fola, prioriteti për këta doli të jetë pozita e kryeministrit”.
“Pastaj përplasjet brenda LDK-së, nuk i kanë bërë nder kampit opozitar në këto momente që po flasim, besoj se vetëm e vështirësojnë. Besoj se brenda LDK-së ka njerëz që kanë ditur t’i tejkalojnë gjërat edhe në situata më të vështira”, ka thënë Berisha.
Ndër tjera, Berisha ka shtuar se ka dilema për një koalicion, duke përmendur disa prej arsyeve që e shtyjnë të ketë këtë mendim.
“Në fillim të drejtën kam besuar, por tani kam dilemat e mia, me kalimin e kohës dhe me deklaratat që i kanë nuk të lënë përshtypjen se janë shumë të interesuar që të ketë një koalicion”.
