Zyrtari i PDK-së, Betim Gjoshi, i ka reaguar Elvis Hoxhës së VV-së i cili sot ka drejtuar akuza ndaj Rrahman Jasharajt duke pretenduar se ky i fundit ka shërbyer për Serbinë.
Gjoshi me tallje i ka thënë Elvis Hoxhës se kush të ka gënjyer që grevat po i organizon Faruk Mujka i Vetëvendosjes, duke bashkëngjitur edhe një dokument në të cilin emri i Mujkës figuron si pjesë e partisë së gruas së Sllobodan Millosheqviqit, transmeton Veriu.info.
Postimi i Betim Gjoshit:
Kush e ka gënjyer Elvis Hoxhën që grevat e punëtorëve është duke i organizuar Faruk Mujka, nënkryetari i Këshillit të Përgjithshëm të VV-së dhe ish-anëtar i kryesisë lokale të JUL-it, partisë së Mira Markoviq-Milosheviqit?
Jo Elvis, grevat po i organizon Rrahman Jasharaj, i rrahur shumë herê nga Policia serbe sepse ai organizimin sindikal nuk e ka nisur sivjet, apo prej kur Albini u bë kryeministër, por qe 30 e kusur vjet. Për dallim prej teje që patriotizmin e ke zbuluar vetëm pasi e ke zbuluar internetin.
Boll na shitet patriotizëm virtual në 2022-ten. Edhe ti, edhe shokët e tu nga Tirana në VV, e keni pas moshën e pushkës më 1999. Jeni frikësuar? Krejt ne rregull. Por, mos na tesh tash.
Për më keq, Albin Kurti tha që nuk i paguan punëtorët grevistë sepse nuk po punojnë gjatë grevës. Por, Albin Kurti ka pare me pagu si “keshilltarë” fashista gojëfëlliqur si Elvis frikacaku, ky “patriot” i pasluftës./Veriu.info.
