Është e vështirë të vlerësohet nëse takimi i sotëm i presidentit të Serbisë dhe kryeministrit të Kosovës do të jetë i suksesshëm apo jo, gjegjësisht nëse do të ketë ndonjë progres.
Nga njëra anë, Serbia është e përkushtuar për anëtarësimin në BE, por nga ana tjetër, ajo mbetet prapa në harmonizimin e politikës së saj të jashtme dhe të sigurisë me Bashkimin Evropian në krahasim me vendet e tjera kandidate nga Ballkani Perëndimor –
Sonja Biserko, presidente e Komitetit të Helsinkit për të Drejtat e Njeriut tha se kjo tregon se vendosmëria e saj nuk është e sinqertë, thekson ai, duke shtuar se sigurisht që kjo vlen edhe për Kosovën.
Në prag të takimit të sotëm në Bruksel mes Aleksandër Vuçiqit dhe Albin Kurtit, pas një pauze katër mujore në dialogun në nivelin më të lartë shtetëror dhe krizës në rritje, e sipas Biserkos përkundër të gjitha përpjekjeve të SHBA-së dhe BE-së, deri më tani nuk ka pasur zhvillime të rëndësishme në dialogun Beograd-Prishtinë.
“Projekti i Kosovës po interpretohet gjithnjë e më shumë nga opinioni ynë si një projekt i pasuksesshëm i Perëndimit dhe shkaku kryesor i destabilitetit global. Kjo përdoret veçanërisht nga Rusia për të justifikuar agresionin e saj kundër Ukrainës”, thotë Biserko.
Megjithatë, Serbia është gjithashtu nën presion të madh për t’i dhënë fund çështjes së Kosovës, të cilës Beogradi po i reziston në mënyra të ndryshme.
“Pra presidenti Vuçiq po shkon në Bruksel, edhe pse nuk pret shumë nga ai takim. Ai është pro status quo-së sepse blen kohë për disa rrethana të tjera ndërkombëtare. Vuçiq gjithashtu thekson se anëtarësimi i Ballkanit Perëndimor deri në vitin 2030 nuk ka gjasa, siç po spekulohet. Domethënë, niset nga diskutimet që zhvillohen brenda vetë BE-së, e cila vetë duhet të kalojë njëfarë transformimi për të qenë në gjendje të marrë anëtarë të rinj, ku tani përfshihen Ukraina dhe Moldavia”, beson Biserko
Sjellja manipuluese e presidentit Vuçiq, thotë Biserko, gjithnjë e më shumë irriton opinionin dhe politikanët perëndimorë dhe gjithnjë e më shumë po bëhen thirrje për ndryshim të politikës perëndimore ndaj Serbisë.
