Blerta Veseli, ish-Miss Universe Kosova dhe ish-prezantuesja e emisionit SHOW TIME, është duke vazhduar suksesshëm karrierën e saj në SHBA.
Së fundi bukuroshja kosovare është bërë pjesë e një Samiti për Patundshmëri dhe Kriptovaluta në Miami.
Pjesëmarrës në këtë event ka qenë edhe kryetari i Maimait, Francis Suarez. Dhe nuk ka munguar as një takim nga afër i Bleta Veselit me të, shkruan Reporteri.net.
Blerta ka publikuar në Instagram Story e saj një fotografi e shoqëruar me kryetarin e Miamit. Dhe fotografia gjithashtu është shpërndarë edhe nga vetë Suarez.
Kujtojmë se Blerta Veseli gjatë periudhës kur ishte Miss Kosova Universe 2020 ka qenë edhe prezantuese e emisionit SHOW TIME, prodhim i Gazetës Online Reporteri.net.
Aktualisht Blerta është zhvendosur për të jetuar në Miami të SHBA-ve, ku po e vazhdon karrierën e saj.
