Serbët në Kosovë po planifikojnë të fillojnë vetë formimin e Asociacionit të Komunave Serbe, shkruan portali serb “Blic”.
Koha
Lin Projekt
Është planifikuar që në ditët e ardhshme të mbahet një kuvend i madh i serbëve në të cilin do të shpallet Asociacioni dhe do të krijohen organet e tij, thotë një burim i Blic-it.
Florenti Company
Market Florenti
“Plani është që së shpejti të fillojë formimi i Unionit të Komunave Serbe dhe organeve të tij, dhe Dragisha Miloviq, ish-kryetar i Komunës së Zveçanit, do të propozohet për kryetar të parë të Asociacionit”, ka zbuluar burimi.
Selia e Asociacionit do të jetë në Mitrovicë.
Burimi i Blicit serb siç shkruan ky medium ka thënë se ngjarjet e javëve të fundit kanë ndikuar në këtë vendim, në radhë të parë në shtimin e dhunës, arrestimet e serbëve dhe depërtimin e forcave speciale të policisë së Kosovës në veri.
Burimi i “Blic” thekson se të gjitha skenat e pakëndshme dhe “terrori që po përjetojnë serbët” i kanë bërë që tash krahas protestave të mendojnë edhe për veprime të mundshme dhe për mosbindje civile.
Këto do të jenë organet e Asociacionit:
– Kuvendi, si organi më i lartë, do të përbëhet nga përfaqësues të caktuar nga secili kuvend i komunave anëtare nga radhët e këshilltarëve të zgjedhur.
– Presidenti përfaqëson Komunitetin dhe asistohet nga nënkryetari. Kryetarin dhe nënkryetarin i zgjedh Kuvendi nga radhët e këshilltarëve të komunave anëtare dhe kryetarëve të tyre.
– Këshilli , i cili përbëhet nga maksimumi 30 anëtarë nga radhët e banorëve të komunave anëtare, duke përfshirë të gjithë kryetarët e komunave anëtare.
– Një komision i përbërë nga shtatë anëtarë të zgjedhur nga Kuvendi nga radhët e kryetarëve të komunave dhe banorëve të komunave anëtare.
– Administrata, e drejtuar nga Shefi i Administratës.
– Zyra e Ankesave, e cila do të ketë mandatin të shqyrtojë ankesat në lidhje me objektivat.
