Eugen Cakolli nga Demokracia në Veprim, ka qenë i ftuari i radhës në Blic Interview me Astrit Gashin.
Cakolli thotë se në bazë të rezultateve të tanishme Lista Serbe i ka të sigurta 9 mandate kurse partia e Nenad Rashiq e ka të sigurtë 1 mandat.
Ai thotë se në rast se Lista Serbe merr 10 mandate, do të komplikohet jashtëzakonisht procedura e zgjdhjes së qeverisë.
“Në bazë të rezultateve të tanishme Lista Serbe i ka të sigurta 9 mandate, dhe partia e Nenad Rashiq e ka një mandat. Megjithatë në pjesën veriore të vendit kemi gati 1000 vota që kanë ardhur me kusht, dhe në bazë të vëzhguesve tanë por edhe të atyre të misionit të BE, shumë prej tyre kanë qenë persona që nuk janë nga pjesa veriore por që janë sjellë në mënyrë të organizuar nga Serbia, gjasat janë që këto vota të jenë për Listën Serbe në tërësi, e që aktualisht mund të ndikoj në humbjen e mandatit nga partia e zotit Rashiq”
“Në rast se Lista Serbe merr 10 mandate, kjo e komplikon jashtëzakonisht procedurën e zgjedhjes së qeverisë, për shkak se e obligon partinë që nominon kryeminsitrin që ose të hyj në koalicon me ta ose të zgjedh për ministër ndonjë prej deputetëve të Listës Serbe, sepse ndryshe do të nevojitet miratimi formal i gjashtë prej 10 deputeteve të Listes Serbe për një ministër që nuk është në mesin e tyre e që normalisht gjasat që kjo të ndodh janë minimale”, tha ai.Gjithashtu ai thekson se rezultatet e deri tanishme kanë prodhuar një peisazh interesant edhe tek komunitetet tjera jo serbe.
“Zgjedhjet dhe rezultatet e deri tanishme pa i llogaritur votat me kusht kanë prodhuar një peisazh interesant edhe tek komunitete tjera jo serbe, partia roman iniciativa që ishte shtyrë nga Lista Serbe dhe ishte përkrahur edhe me vota nuk do të jetë më pjesë e kuvendit dhe dy mandate tash do ti ketë e komuniteti egjiptian, prej të cilëve njerin e ka të sigurt partia e minsitrti Elbert Krasniqi, dhe mandatin tjeter e ka partia e Veton Berisha PLE, që më parë si deputet ka qenë pjesë e grupit parlamentar të LDK”
“Komuniteti tjetër është edhe ai boshnjak ku ka ndryshim, pra për herë të parë do ti kemi tri subjekte të përfaqësuara në kuvend nga një mandat secila, aktualisht e kemi partinë e sv.kryeministres Emilja Rexhepi, dhe partinë e Duda Balje, e cila të paktën gjatë fundit të mandatit ka pas një qasje antagoniste në raport me qeverinë Kurti, që i bie që po flasim për dy madje edhe tri mandate potencialisht ne mesin e komuniteteve tjera jo serbe, që mund të jenë vota problematike që mund ta përcaktojnë mënyren dhe kompozicionin poltik të qeverisë së ardhshme”, u shpreh ai.
Por Cakolli thekson se ditëve të fundit kanë qarkulluar lajme se Duda Balje, ka kërkuar formimin e një komune boshnjake si këmbim për përkrahjen e cilës do qeveri.“Ditëve të fundit kanë qarkulluar lajme, se Duda Balje ka kërku formimin e një komune boshnjake si këmbim për përkrahjen e cilës do qeveri e gjë që mund të përdoret si kartë për të refuzuar përkrahjen e qeverisë apo edhe si arsyetim për ta përkrahur taborin tjetër” potencoi ai.
Sa i përket formimit të institucioneve, Cakolli thekson se edhe kryeministri Kurti nuk do të procedoj me themelimin e institucioneve pa pasur garanca se do të ketë ndonjë koalicion.“Në bazë të numrave të tanishëm opozita ka 53 deputet dhe nëse do të humbiste përkrahjen e dy deputetëve nga komunitetet i duhen 8 pra është numri sa atyre që iu duhen për ta formuar qeverinë e re, por në anën tjetër edhe vet Kurti nuk do të procedoj me themelimin e institucioneve pa pasur garanca se do të ketë koalicion. Unë në fakt dua të besoj që partia në pushtet do ta shfrytëzoj edhe periudhen e tanishme, se ajo cfarë dihet tashmë sigurtë është renditja e partive politike, dhe dihet edhe numri i përafërt i mandateve. Unë mendoj që në të kundërtën do të vijm në skenar të zvarritjes së themelimit të institucioneve për shkak se sapo të konsitohet kuvendi fillojnë të rrjedhin afate strikte kushtetuese”, përfundoi ai, shkruan GazetaBlic.
