Por ajo që bie në sy nga ky udhëtim janë shoqëruesit e Lushtakut atje, biznesmenë kontravers siç është Gaz Demi, president i klubit të fubollit Partizani, i afërt me vëllain e kryeministrit Edi Rama, Olsi Ramën.
Përveç Demin, Lushtaku në këtë udhëtim është shoqëruar edhe nga biznesmeni nga Skenderaj, Astrit Çitaku, pronar i kompanisë së ndërtimit “Andrra Residence”.
Por Lushtaku çuditërisht ka vendosur që shoqëruesit e tij biznesmenë të mos i përfshijë në postimin e tij, por të njëjtit duken qartë në pamjet e pbulikuara nga Veriu.info teksa zbresin nga “private jet”.
Teksa zbresin në aeroport, Lushtaku dhe shoqëruesit e tij priten nga vetura luksoze me xhama të zinj e pa tabela.
Kjo vizitë dhe fshehja e biznesmenëve nga njoftimi publik, ngre dyshime të shumta mbi atë se cili ishte qëllimi i kësaj vizite, në një pjesë të territorit libian që kontrollohet nga gjenerali kontravers që kontrollon fusha të shumta të naftës atje.
Nëse shtojmë këtu edhe faktin që Lushtaku publikoi pamje nga takimi, vetëm pasi Veriu.info publikoi ekskluzivisht pamje nga arritja e tyre atje, atëherë lindin dyshime akoma më të mëdha mbi arsyen e vërtetë të vizitës.
Veriu.info ka tentuar të marrë përgjigje nga zëdhënësi i komunës së Skenderajt për qëllimin e vizitës, por ai nuk ka kthyer përgjigje.
Veriu.info nga ka marrë përgjigje as nga biznesmeni Astrit Çitaku i pyetur se për çfarë arsye e ka shoqëruar kryetarin e Skenderajt në këtë takim.
“Cfar lajmi? Pse duhet me dite? Une ne Prishtine ndertoj ne Skenderaj e kam kry!”, ishte “pergjigja” e vetme e Çitakut.
Biznesmeni Gaz Demi, teksa zbret nga aeroplani
Biznesmeni Astrit Çitaku, Andrra Residence
