Politologu, Arbnor Sadiku, ka folur në lidhje me anulimin e vizitës në Kosovë nga Këshilltari i Lartë i Departamentit amerikan të Shtetit, Derek Chollet.
Sadiku tha për “Gazeta Blic” se mosardhja e diplomatëve të huaj dhe veqanarisht atyre të SHBA-ve tregon se Kosova ja ka ‘huq’ në aspektin e koordinimit me Bashkësinë Ndërkombëtare.
“Mosardhja e diplomatëve të huaj, veqanarisht Shteteve të Bashkuara të Amerikës në Kosovë, tregon faktin se Kosova ja ka ‘huq’ në aspektin e koordinimit me Bashkësinë Ndërkombëtare, veqanarisht të hapave të saj që e ndërlidhin shtetësinë e Kosovës me pranimin dhe kryerjen e saj në aspektin ndërkombëtar”
“Ne e dimë që pa mbështetjen e BE-së dhe Shteteve të Bashkuara të Amerikës, Kosova nuk do të mund të pranohej në Organizatat Ndërkombëtare siç është ajo e Kombeve të Bashkuara, NATO-s dhe shumë organizata me rëndësi për të dhe nuk mund ta konsolidojë sovranitetin e saj për së brendshmi pasi që kemi parë se në veriun e Kosovës, shumica e serbëve janë të instrumentalizuar nga qeveria e Vuçiq dhe pa një bashkëbiseim dhe marrëveshje politike me Bashkësinë Ndërkombëtare dhe përmes tyre edhe me palën serbe nuk do të mund të kalohej kriza në veri por do të kalonim nga një krizë e vjetër në një krizë të re” tha Sadiku në një intervistë për “Gazeta Blic”
