Shpend Ahmeti, ish kryetar i Prishtinë, në Pressing në T7 është deklaruar rreth krizës politike të krijuar në vend, duke dhënë komentet e tij për mundësitë e krijimit të qeverisë së re, shkruan Gazeta Express.
Ahmeti ka thënë se opsioni që ka mbete është një koalicion mes VV dhe PDK-së, megjithatë ka gjasa të vogla sipas tij.
Tutje, Ahmeti ka deklaruar Kurti s’është i sigurt ende që partitë opozitare s’mund ta bëjnë qeverinë e re, sepse përndryshe, sipas tij, Kurti do ta ndërronte emrin e Albulena Haxhiut për kryetare të Kuvendit.
‘‘Për mua i vetmi opsion që ka mbet me një gjasë të vogël është VV-PDK, nuk po shoh gatishmëri të opozitës. Gjasë të vogël thash, përndryshe shkohet në zgjedhje. Çka po pengon mu është në vend që me lu qet lojë e me dal dje Albulena e me thanë ‘’me 12 tetor hajt ti mbajmë bashkë’’, unë kisha dal kisha se kem marrëveshjen, interesi jonë është me shku zgjedhjet prapë, se nuk po mendoj që arrihet. E jo kështu diqysh gjithmonë me ta lanë që unë jam tu punu, jo unë i kam numrat. Unë mendoj që hala nuk është i bindur që opozita s’mundet me bë, se me ditë që s’mundet me bë opozita, e kapërcejmë edhe këtë hap. Albin Kurti me qenë i sigurt që se bon as opozita, mendoj që e kish ndrru emrin kishim kaluar e kishim zgjedh kryetarin e kuvendit’’, ka thënë ai mes tjerash.
