Nënkryetarja e Partisë Demokratikë të Kosovës, Vlora Çitaku, i ka reaguar gazetarit nga Shqipëria, Bledi Mane, që sot ofendoi kosovarët duke thënë se ende janë tek pleskavica dhe lakra, raporton Gazeta Online Veriu.info.
Bledi Mane derisa po diskutonte për festivalin “Sunny Hill” tha se kosovarët nuk e përdorin vajin e ullirit por se ende janë tek pleskavica dhe lakra.
Vlora Çitaku ka thënë se gjithmonë ka pasur dhe do të ketë të marrë në mesin tonë.
Ajo e sheh si shqetësuese prirjen për tu bërë autoparlant i të marrëve të cilët me çdo kusht synojnë të ndajnë shqiptarët.
Postimi i saj i plotë në Facebook:
E paskan gjetë dikund një gazetar në Shqipëri, të cilit dorën në zemër kurrë nuk ia kam dëgju emrin, i cili mes tjerash, paska thurrë një varg broçkulla për ne nga Kosova.
Punë e madhe. Të marrë ka pasë e ka me pasë përherë mes nesh.
Por, ajo që është shqetësuese është prirja për tu bërë autoparlant i të marrëve të cilët me çdo kusht synojnë të ndajnë shqiptarët. E kjo prirje nuk është e sotme.
Ndërkohë, dallimet krahinore e rajonale i kemi me bollëk edhe ne këtu brenda vetes.
Nuk po dua tua përkujtoj se me çfarë përbuzje flitet për rajone të caktuara të Kosovës këtu mes nesh.
Qytetërimi nuk ndërlidhet me vendbanimin, por me refuzimin e mendësisë provinciale dhe me refuzimin e injorancës.
Unë dje isha në Junik, pashë e shijova traditë e qytetërim, më shumë se në shumë qytete.
