Qemajl Aliu, kryetari i Komunës së Shtimes, i cili e ka quajtur veten “Çlirimtar”, ka vendosur që punonjësja Feride Rexhaj të transferohet në Drejtorinë e Arsimit, por ajo nuk duket se ka ndalur aktivitetin e saj në fushën e prokurimeve publike.
Sipas dokumentit të publikuar nga Zyra e Kryetarit të Komunës së Shtimes më 21 maj 2025, Feride Rexhaj është autorizuar të kryejë detyra si “zyrtare alternative” në Drejtorinë e Arsimit, pas pensionimit të Fatmír Zymberit, i cili mbante më parë këtë pozicion.
Megjithatë, siç ka vërejtur Demokracia.com, Rexhaj vazhdon të jetë e angazhuar në njoftimet për kontrata publike dhe hapat e prokurimeve të hapura, duke sugjeruar se roli i saj në sektorin e arsimit nuk e ka larguar nga aktiviteti i saj në tenderë.
Ky zhvillim ngre dyshime për praktikën e menaxhimit të stafit dhe për ndarjen e kompetencave në komunë, veçanërisht kur punonjësit e transferuar vazhdojnë të ndikojnë në procedurat e prokurimit publik. /Demokracia.com/
