Cristiano Ronaldo ka qenë një nga lojtarët më të mirë në botë për rreth dy dekada. Shumë pak atletë arrijnë të ruajnë një qëndrueshmëri të tillë në çdo sport, veçanërisht në një sport kaq fizikisht dhe mendërisht kërkues si futbolli.
Megjithatë, koha nuk fal askënd dhe tani, teksa i afrohet ditëlindjes së tij të 40-të në shkurt të vitit 2025, mund të thuhet me siguri se Ronaldo është ngadalësuar disi.
Ai vazhdon të shënojë gola, por fakti që po e bën këtë në Saudi Pro League me Al Nassr tregon një rënie të cilësisë së tij.
Duke marrë këtë parasysh, për herë të parë pas shumë vitesh, është e padiskutueshme se aktualisht ka lojtarë më të mirë se Ronaldo në futbollin botëror.
Edhe pse kjo mund ta shqetësojë legjendën e Manchester United dhe tifozët e tij besnikë, madje edhe djali i tij ka përmendur një lojtar që e vlerëson më shumë se të atin në këtë moment.
“Mateo, ai e pëlqen shumë [Kylian] Mbappe. Ndonjëherë më thotë: ‘Hej baba, Mbappe është më i mirë se ti,’ dhe unë i përgjigjem duke i thënë: ‘Jo, unë jam më i mirë se ai, kam shënuar më shumë gola’”, tregoi Ronaldo.
