Opinionisti Ilir Deda është shprehur pozitiv për ardhjen e diasporës në Kosovë para zgjedhjeve të 28 dhjetorit, duke theksuar se kjo u jep mundësi bashkatdhetarëve të shohin nga afër gjendjen reale në vend.
Ai, në “Rubikon” të Klan Kosovës, përmendi rritjen e çmimeve, shtrenjtimin e rrymës dhe vështirësitë ekonomike si arsye pse diaspora duhet të reflektojë mirë para se të votojë, transmeton Klankosova.tv.
“Ne po shohim një propagandë të hatashme që po bëhet me numrin e diasporës që po vjen. Unë po gëzohem që po vjen diaspora, se na në pranverë kur është shtrenjtuar rryma, prej kësaj studio e kemi paralajmëruar dimrin e rëndë që po vjen. Edhe krejt na kanë këqyr ‘çka po folin këta njerëz, çfarë dimri i rëndë, çka është 15% rritja e rrymës?’”.
“Qe zemra e mia, jeni t’u jetu tash, jeni t’u e pa. Shumë mirë që po vjen diaspora, le ta sheh gjysmën e Kosovës në terr, le të shkojnë nëpër marketet e Kosovës e le ta shohin që i kanë shumë më shtrenjtë produktet se nga vendet ku po vinë ata, le ta shohin gjendjen e përgjithshme në Kosovë çfare është, e mandej nëse e duan Kosovën le të dinë ditën e diele, a duan ta ndihmojnë shtetin e Kosovës me votën e tyre, apo duan të jenë pjesë e lojërave politike”, tha ai.
