Shefi i grupit parlamentar të AAK-së, Besnik Tahiri ka reaguar pas deklaratës së djeshme të ambasadorit amerikan, Jeff Hovenier, duke thënë se pushteti aktual e ka sjell në këtë stad ambasadorin që të sjell porosi e që sipas tij s’i dërgohen askujt.Para gazetarëve në hollin e Kuvendit të Kosovës, Tahiri tha se porosia e Hovenierit është e qartë se aty ku Kosova synon të anëtarësohet nuk e bën dot pasi i befason ata për të keq.
“Më ka ardhur shumë keq që kjo qeverisje eksperimentale e ka sjellë në atë stad një ambasador, një shërbyes të sistemit të diplomacisë amerikane në një situata që të përçon një porosi që nuk i dërgohet askujt e lerë më një vendi mik”.“Porosia është shumë e qartë, o burra o gra të këtij vendi, a kupton se aty ku ja keni mësyrë që të anëtarësoheni nuk mund të anëtarësoheni ku çdo ditë, çdo jave, çdo muaj, çdo vit i befasoni për të keq. Kur ju nuk kemi as një strategji bashkëpunuese për të pasur një vizion, për të treguar se qysh behet Kosova në BE e NATO e qysh hiqen sanksionet. Porosi më të qartë nuk di qysh mund te këtë”, u shpreh Tahiri.
Sipas deputetit të AAK-së, procesi i dialogut këtë vit ka qenë pa vizion dhe se diskursi i qeverisë ka qenë në dëm të Kosovës“Procesi i dialogut për këto vite ka qenë një proces eksperimental pa një vizion se ku dëshiron të dal Kosova, çfarë do të përfitojnë qytetarët e Kosovës. Diskursi i qeverisë jo veç se ka qenë i çuditshëm, por ka qenë në dëm të Kosovës, fillimisht duke folur sa e mirë është marrëveshja e Brukselit, pastaj duke u dakorduar për marrëveshjen e Ohrit. Pastaj duke kritikuar lehtësuesin dhe gjithë ata që janë marr me dialog. Cila është alternativa e dialogut që ky vend dhe ky shtet duhet ta bëjë për të hyrë në BE dhe NATO. Nëse nuk ka pse nuk përgatitet ky dialog në formën më të morë të mundshme. Vetëm një takimi i Kurtit ka qenë takim që ka qenë i përgatitur, të gjitha tjerat kanë qenë takime për të bërë një fotografim, për të përçuar një mesazh elektoral dhe jo për t’i bërë një shërbim Kosovës dhe vendit”, tha Tahiri.
