Koalicioni për Familjën është dënuar nga Paneli Zgjedhor për Ankesa dhe Parashtresa (PZAP). Aryseja e dënimit me 4.500 euro shte gjuha ndaj komunitetit LGBTQI+. Megjithatë, nuk është ky penalizimi i parë, pasi ditë më parë RTK-ja e censuroi një videospot të Koalicionit për Familjen nën pretekstin se përmban gjuhë politikisht jokorrekte ndaj këtij komuniteti. Çka ndodhi?
Në fakt, organizata joqeveritare “Dylberizëm”, që avokon për të drejtat e komunitetit LGBTQI+, njoftoi për këtë dënim.
“Koalicioni për Familje ka marrë gjobën e parë nga Paneli Zgjedhor për Ankesa dhe Parashtresa (PZAP) për përdorimin e gjuhës së urrejtjes kundër dylberave. Pas ankesës së paraqitur nga CEL Kosova dhe Dylberizm kundër Koalicionit për Familje, për shkak të nxitjes dhe përdorimit të gjuhës së urrejtjes kundër dylberave, PZAP të mërkurën i shqiptoi gjobë këtij subjekti politik në lartësi prej 4.500 eurosh. PZAP-ja vlerësoi se sjelljet e Koalicionit bien ndesh me Ligjin për Zgjedhjet e Përgjithshme” – shkroi “Dylberizëm”.
Në lidhje me këtë temë, ka reaguar kandidati për deputet nga Koalcioni për Familjen, Asdren Bytyqi.
“Ende pa i fitu të drejtat e martesës ligjore, adoptimit të fëmijëve, ndërrimit të gjinisë, PZAP na gjobit me 4,500 euro, sipas ankesës së organizatës Dylberizëm. Paramendoni se çka bëjnë këta nëse i fitojnë edhe këto të drejta me ndihmën e partisë në pushtet. Me 9 Shkurt ju themi se shteti është i popullit, jo i dylberizmit!” – ka shkruar Bytyqi.
Kjo nuk është hera e parë që po dënohet ose penalizohet ky koalicion. Nën pretekstin e gjuhës anti-LGBTQI+, RTK-ja vendosi të mos e transmetonte një videospot të Koalicionit për Familjen.
Në RTK në mënyrë të drejtpërdrejt reagoi Visar Korenica, kandidat për deputet nga radhët e Koalicionit për Familjen, i cili e cilësoi këtë si censurim të motivuar nga partia në pushtet, VV-ja.
“Censura që Radio Televizioni i Kosovës (RTK) ka ushtruar ndaj spotit të Koalicionit për Familjen është një akt i rëndë dhe i papranueshëm kundër lirisë së shprehjes dhe pluralizmit politik. Ky veprim, i ndikuar politikisht nga pushteti, rikthen mentalitetin e kontrollit shtetëror mbi mediat, të cilin e kemi parë vetëm në regjimet komuniste.
RTK nuk është dhe nuk duhet të jetë zëdhënës i asnjë qeverie! Si medium publik, ai ka për detyrë të pasqyrojë të gjitha opinionet dhe alternativat politike, pa censurë dhe pa ndërhyrje politike.
Të ndalosh një spot vetëm sepse përçon një mesazh në përputhje me bindjet e shumicës së qytetarëve të Kosovës nuk është asgjë më pak se shkelje e lirisë së shprehjes dhe diskriminim politik. Ky është një sinjal alarmi për demokracinë tonë dhe një sulm i drejtpërdrejtë ndaj të drejtës për të menduar ndryshe” – tha ditë më parë Korenica.
Sjellim ndër mend që sot Koalicioni për Familjen do të mbajë një konferencë për media, që më shumë gjasë do të lidhet me këto penalizime të fushatës.
