Deputeti i PDK-së, Bekim Haxhiu ka marrë pjesë në takime të përbashkëta të dy Komsioneve Parlamentare për Shëndetësi dhe Mirëqenie Sociale Kosovë dhe Shqipëri.
Në këtë takim u disktua për problemet dhe zbatimin e marrëveshjeve të arrituara nga 7 mbledhjet e përbashkëta të dy Qeverive.
Haxhiu ndër të tjera ka thënë se në këtë takim ka përmendur edhe idenë time për formimin e Senatit Shqiptar që do të kishte dy dhoma, të përbëra nga Kuvendi i Kosovës dhe ai i Shqipërisë, nga mbledhjet e përbashkëta që filluan mes Qeverisë së Shqipërisë dhe të Kosovës me 11.01.2014, te shkojmë drejtë hapit final te bashkimit kombëtar.
Postimi i plotë:
Dje dhe sot në takime të përbashkëta të dy Komsioneve Parlamentare për Shëndetësi dhe Mirëqenie Sociale Kosovë-Shqipëri, disktuam për problemet dhe zbatimin e marrëveshjeve të arrituara nga 7 mbledhjet e përbashkëta të dy Qeverive.
Diskutimi im u fokusua në katër shtylla:
1. Përafrimi i legjislacionit dhe shkëmbimi i përvojave,
2. Mbikqyrja e dy Qeverive në zbatim të marrëveshjeve të nënshkruara nga 7 mbledhjet e përbashkëta të qeverive Kosovë – Shqipëri,
3. Njohja reciproke e licencave të profesionistëve shëndetësor të Kosovës dhe Shqipërisë,
4. Mbështetja e pacientëve për trajtim, në Shqipëri dhe Kosovë, lehtësimi i procedurave dhe mbulimi i shpenzimeve të trajtimit.
Gjithashtu, sot kam shpalosur idenë time për formimin e Senatit Shqiptar që do të kishte dy dhoma, të përbëra nga Kuvendi i Kosovës dhe ai i Shqipërisë, nga mbledhjet e përbashkëta që filluan mes Qeverisë së Shqipërisë dhe të Kosovës me 11.01.2014, te shkojmë drejtë hapit final te bashkimit kombëtar.
Jemi një, dhe duhet të veprojmë me gjëra konkrete për ta dëshmuar dhe realizuar bashkimin kombëtar.
