Dështon për 1 votë miratimi i Hartës Zonale në Kuvendin Komunal të Mitrovicës, Kryesuesja Vesa Broja i bashkohet në votim opozitës (VV & LDK) me mos pjesëmarrje në votim

Kuvendi Komunal i Mitrovicës po mban seancën e rregullt për muajin prill, ku si pika më e rëndësishme e rendit të ditës ishte “Propozim vendim për miratimin e Hartës Zonale të Komunës së Mitrovicës së Jugut (HZK) 2024-2032”.

Pas shumë diskutimeve nga ekzekutivi dhe asamblistët (kryesisht të opozitës), kjo pikë e rendit të ditës është hedhur në votim, ku nuk mori votat e mjaftueshme për miratim.

Nga 35 asamblistë sa i ka Kuvendi Komunal i Mitrovicës, 17 nga të pranishmit votuan ‘pro’ miratimit të kësaj pike, ndërsa të tjerët nuk morën pjesë në votim, duke pamundësuar kuorumin në votim dhe rrjedhimisht për pasojë mos miratimin e kësaj pike të rendit të ditës. Pra, kjo pikë e rendit të ditës dështoi vetëm për një votë.

I çuditshëm është fakti se këtë pikë të propozuan nga ekzekutivi komunal që udhëheqet prej Bedri Hamzaës, nuk e mbështeten dy asamblistë të PDK-së, partisë që drejton komunën. Fjala është për Kryesuesen e Kuvendit Komuna, Vesa Broja (PDK) dhe asamblistin Mentor Vinarci (PDK), të cilët nuk morën pjesë në votim.

Sikur njëri prej tyre të kishte marrë pjesë në votim kjo pikë do të miratohej, por që të dy zgjedhen të mos votojnë, duke iu bashkuar kështu faktikisht opozitës VV dhe LDK, që kishin qendrim kundër miratimit dhe nuk morën pjesë në votim.

Te LDK-ja vetëm asamblistja Flutura Beka votoj ‘pro’ miratimit të “Propozim vendim për miratimin e Hartës Zonale të Komunës së Mitrovicës së Jugut (HZK) 2024-2032”, përderisa asmblistët e tjerë të panishëm nuk morën pjesë në votim, sikurse që veproj edhe i gjithë grupi i asamblistëve të Vetëvendosjes.

Ndryshe, Komuna e Mitrovicës në mars të vitit 2021 kishte nënshkruar kontratë në vlerë 200 mijë euro për krijimin e Hartave Zonale në Mitrovicë, kohë kur me komunën qeverisje VV.

Pas hartimit të këtij dokumenti strategjik nga kompania fituese e tenderit, “Instituti i Shkencës dhe i Teknologjisë INSI Sh.P.K.”, ky dokument ishte sjellë sot në Kuvendin Komunal, po që dështoi të miratohet./Veriu.info

Absurde: Qeverisja komunale e VV-së më 2021 nënshkruajti kontratë 200 mijë euro për krijimin e Hartave Zonale në Mitrovicë, tash të njëjtën po hezitojnë ta votojnë (Dokument)

Hipokrizia e VV-së për (mos) miratimin e Hartës Zonale në Mitrovicë! Çka do të vendosin sonte?