Para disa ditëve, “AstraZeneca” ka pranuar për herë të parë në dokumentet gjyqësore se vaksina e saj Covid mund të shkaktojë një efekt anësor të rrallë, në një kthesë të dukshme që mund të hapë rrugën për një pagesë ligjore prej shumë milionash.
Doktoresha, Aurora Meta-Dollenberg në Gjermani, ka folur më shumë rreth vaksinës “AstraZeneca”, e cila poashtu tha se ata vetë e kanë pranuar që mund të ketë efekte anësore.
“’AstraZeneca’ është vetë ajo që e ka pranuar që disa prej vaksinave prej ‘AstraZenecas’ mund të kenë efekte anësore që janë jetë kërcënuese dhe ata që i kanë pasur këto efekte anësore që kanë vdekur pas marrjes së vaksinës si pasojë e trombozave në radhë të parë ata janë në gjyq me ‘AstraZeneca’ dhe po presin dëmshpërblimin monetar si pasojë e shkatërrimit të shëndetit të tyre,” ka thënë Dollenberg, në Dukagjini.
Më shumë se 6 milionë shtetas të Britanisë e Evropës e kanë marrë këtë vaksinë, bëri të ditur doktoresha.
“Në mesin e pandemisë patëm një stopim të aplikimit me ‘AastraZeneca’ për efektet e saj flagrante anësore sic ishin trombozat në tru apo trombozat dhe të enëve të tjera të gjakut kjo bëri që u limitua astrazeneca gjatë pandemisë por pavarësisht kësaj më shumë se 6 milionë britanikë dhe europa e kanë marrë këtë vaksinë.”
“Në Gjermani pacientët po bashkëpunojnë me ministrinë e shëndetësisë që të ngrenë padi kundër astrazeneca, dhe të marrin shpërblimin monetar përkatës,” tha Aurora Dollenberg.
Efektet anësore të vaksinës ndahen në dy grupe sipas Dolllenberg.
“Efetet anësore akute sic është tromboza që pas tri ditëve apsi kemi marrë vaksinën e dallojmë efektin anësor dhe shoqërohet me ndryshim të dukshëm pra një pacient që ka trombozë në tru pëson paraliza, humbje të shikimit, dëgjimit dhe shqisave të ndryshme, skuqja dhe acarimi i lëkurës, tha ajo.”
“Ndërsa efektet e tjera janë efektet afatëgjata, që kërkojnë 6 muaj që mund të shkojnë deri në 5 vite dhe këtu futen efektet që janë më pak të dallueshme, sic mund të jetë lodhja e përgjithshme, lodhja muskulare dhimbje koke, çrregullime të funksionit të mëlçisë veshkave, dhe pacientët që fillojnë të kenë ankth dhe depresion e poashtu edhe çrregullimet psikike, janë këto efekte afatgjate.”
Teksa për vaksinën “Pfizer”, Dollenberg tha që është më e sigurt, ku bëri të ditur që është i vetmi preparat i lejuar te fëmijët dhe te gratë shtatëzëna.
Dollenberg bëri apel që edhe në Kosovë nëse ka pacientë që kanë vërejtur efekte anësore nga kjo vaksinë, t’i drejtohen Ministrisë së Shëndetësisë.
“Ekziston një grup pune që mbledhin padi nga shtetet e ndryshme këtu përfshihet edhe Kosova, ku sipas saj pacientët që mund t’i vërejnë efektet anësore nga ‘Astrazeneca’, mund të ngrejnë padi, poashtu ajo bëri apel që nëse ka ankesa nga kjo vaksinë, të vizitohen te mjeku dhe të formulojë një letër përmbledhëse me shqetësime të pacientit, e këtë ta dorëzojnë tek Ministria e Shëndetësisë së Kosovës dhe kjo ka për detyrë që t’i përcjellë shqetësimet e mbledhura dhe ekziston mundësia e dëmshpërblimit financiar që mund ta vërtetojnë”, tha Dollenberg.
