Para pak javësh ndërmarrja publike komunale “Stacioni i Autobusëve” në Mitrovicë u bë temë disktumi për procesin e kundërligjshëm dhe të manipuluar të shitjes së 10 tonë metaleve nga kulmi i objektit pa respektuar asnjë procedurë ligjore.
Raportimi i Gazetës Online Veriu info detajizoi procesin e manipuluar të shitjes së kundërligjshme të kulmit të objektit nga menaxhmenti i ndërmarrjes në krye me kryeshefi Esat Jusufi.
Raporti vërteton shqetësimet publike se i gjithë procesi ishte i kundërligjshëm, pasi që shitja e aseteve të kompanisë nuk është bërë përmes rregullave të prokurimit publik, përkatësisht manualit të KRPP-së (Komisioni Rregullativ të Prokurimit Publik) E Rregullat per shitjen e Aseteve (1), i cili është nxjerrë më 10.06.2016 në bazë të Nenit 87.2.18 të Ligjit Nr. 04/042 për Prokurimin Publik të Republikës se Kosovës, i ndryshuar dhe plotësuar me ligjin Nr. 04/L-237, ligjin Nr. 05/L-068 dhe ligjin Nr. 05/L-092.
Kështu deklaroi për gazetën prokurori i Prokurorisë Themelore të Mitrovicës, Ismet Ujkani.
“Prokuroria Themelore në Mitrovice ka autorizuar Policin e Kosovës – Njësia e Krimeve Ekonomike dhe Korrupsionit në Mitrovicë që të ndërmerr të gjitha veprimet e nevojshme hetimore sipas ligjit për ndiqimin e fakeve dhe rrethanave të paraqitura nga ju për këtë rast.” – deklaroi për Veriu.info prokurori i Prokurorisë Themelore të Mitrovicës, Ismet Ujkani.
Por gjithë kjo sagë kundërligjshmërie nuk ka penguar drejtorin e Komunës së Mitrovicës, Elvis Feka, që të vazhdojë bashkëpunimin me kryeshefin e kësaj ndërmarrje.
Ata kanë nënshkruar marrëveshje mirëkuptimi.
