Ditë më parë Gazeta Online Veriu.info raportoi ekskluzivisht për një rast të kundërligjshë në ndërmarrjen publike lokale “Stacioni i Autobusëve” në Mitrovicë, ku u shitën 10 tonë metale të kulmit të objektit përmes një procesi të manipuluar.
Në raportin e KKA të NPL Stacioni i Autobusëve – Sh.A. të siguruar nga Veriu.info shpjegohet rrjedha e shitjes së bakrit, hekurit dhe inoks-it, ku gjitha raportet nga Komisioni për shitjen e këtyre asete janë shkruar me shkrim dhe si proces është i dyshimtë, sidomos për shkak të numrave të protokollit që mbajnë dokumentet.
Raporti vërteton shqetësimet publike se i gjithë procesi ishte i kundërligjshëm, pasi që shitja e aseteve të kompanisë nuk është bërë përmes rregullave të prokurimit publik, përkatësisht manualit të KRPP-së (Komisioni Rregullativ të Prokurimit Publik) E Rregullat per shitjen e Aseteve (1), i cili është nxjerrë më 10.06.2016 në bazë të Nenit 87.2.18 të Ligjit Nr. 04/042 për Prokurimin Publik të Republikës se Kosovës, i ndryshuar dhe plotësuar me ligjin Nr. 04/L-237, ligjin Nr. 05/L-068 dhe ligjin Nr. 05/L-092.
Kjo çështje ishte pikë e rendit të ditës edhe në seancën e fundit të Kuvendit komunal të Mitrovicës, ku asamblistët e pushtetit dhe ata të opozitës diskutuan mbi këtë proces të dyshimt ku nuk u respektua asnjë procedurë ligjore.
Raportimi i rastit nga Gazeta Online Veriu.info ka aktivizuar Prokurorinë Themelore në Mitrovicë, e cila në një përgjigje për gazetën ka konfirmuar se ky institucion ka autorizuar Policinë e Kosovës, saktësisht departamentin e krimeve ekonomike që të nis hetimet për këtë rast.
“Prokuroria Themelore në Mitrovice ka autorizuar Policin e Kosovës – Njësia e Krimeve Ekonomike dhe Korrupsionit në Mitrovicë që të ndërmerr të gjitha veprimet e nevojshme hetimore sipas ligjit për ndiqimin e fakeve dhe rrethanave të paraqitura nga ju për këtë rast.” – deklaroi për Veriu.info prokurori i Prokurorisë Themelore të Mitrovicës, Ismet Ujkani.
Më poshtë ju sjellim shkrimin e plotë të Veriu.info të datës 29 qershor ku detajizohen me dokumentacion të gjitha shkeljet në shitjen e aseteve nga menaxhmenti i ndërmarrjes “Stacioni i Autobusëve”:
