Drita është eliminuar nga faza kualifikuese për në Ligën e Kampionëve pas një humbjeje të thellë me rezultat të përgjithshëm 3-0 ndaj Copenhagen.
Ndeshja nisi më mirë për kampionin e Kosovës, i cili rrezikoi që në minutën e katërt me Besnik Krasniqin, i cili harkoi në zonë, por mbrojtja daneze e largoi topin. Në minutën e 14-të, Copenhagen mendoi se kishte shënuar me Andreas Croneliusin, por goli u anulua për pozicion jashtë loje.
Drita u përball me një situatë të vështirë pas një kartoni të kuq të Liridon Balajt për një ndërhyrje të ashpër. Epërsia numerike e Copenhagen vazhdoi të dominonte, duke e vështirësuar më tej lojën për Dritën.
Në minutën e 43-të, Copenhagen shënoi golin e parë të ndeshjes me Cornelius, duke çuar epërsinë e përgjithshme në 3-0, duke mbyllur kështu shpresat për një rikthim të mundshëm të Dritës. Gjatë pjesës së dytë, Drita qëndroi fort në mbrojtje dhe arriti të mbante rezultatin 0-0, pavarësisht që luante me një lojtar më pak.
Pas këtij eliminimi, Drita do të vazhdojë garën në raundin e tretë të Ligës së Evropës, duke kërkuar mundësinë për kalimin në fazën e grupeve. Nëse eliminohet edhe nga ky raund, skuadra gjilanase do të kalojë në Ligën e Konferencës, nga raundi i katërt kualifikues për fazën e ligës.
