Një faqe e serbëve të Kosovës ka parashtruar disa pyetje për komunitetin që ajo mbështetë (Serbët).
Përgjigjet e tyre, kanë lënë të kuptohet se ata janë më të diskriminuar sesa besohet.
Sipas ankesave që ata kanë parashtruar në komentet poshtë pyetjeve që u janë bërë, del se atyre nuk iu mundësohet asnjë kontakt me të ashtuquajturën Zyrën e Serbisë për Kosovë.
Faqja serbe ka bërë vetëm 4 pyetje rreth kësaj zyre. Përgjigjet e serbëve që jetojnë në Kosovë ishin të njëjta.
Askush asnjëherë nuk ka marrë ndihmë nga kjo e ashtuquajtur zyrë që është hapur ekskluzivisht për ata.
“A keni kontaktuar ndonjëherë me Zyrën e KiM? Nëse po, është bisedë telefonike apo mënyrë e shkruar? A e morët përgjigjen dhe nëse po, cila përmbajtje është përgjigja? Nëse keni marrë ndonjë përgjigje, a ju ka ndihmuar të kapërceni problemet që keni pasur?”, ishin pyetjet që I janë drejtuar serbëve që jetojnë në shtetin e Kosovës.
Përgjigjet e disa prej komentuesve kanë treguar shumë. Zyra serbe sipas komenteve të tyre nuk iu ka kthyer asnjë përgjigje për shqetësimet që ata kanë pasur kohë pas kohe.
Sipas një komentuesi Anastasija Stanojkovic, serbe që jeton në Kosovë çdo përgjigje thotë se nuk janë kompetentë dhe duhet të kontaktojmë në një adresë tjetër…
e një tjetër koment thotë se kjo zyrë nuk është në krye për t’u shërbyer serbëve në Kosovë sepse krimineli nga Mitrovica pyet për çdo gjë. “Ai që nuk lejohet të vijë në Kosovë”.
Ndërsa një tjetër serb, Mledjen Saviq thotë se ka kontaktuar disa herë personalisht me zyrën dhe drejtorin e saj me email.
“Ata më janë përgjigjur vetëm një herë. Në pyetjen “Cila është strategjia e qeverisë së Serbisë për zgjidhjen e ekzistencës materiale, si dhe cilat janë programet e punësimit të të rinjve në Kosovë dhe çfarë lloj mbështetjeje ofron zyra me rastin e punësimit apo vetëpunësimit? Përgjigja e ndihmësdrejtorit ishte: Ndiqni reklamat e Shërbimit Kombëtar të Punësimit. Pas përgjigjes së turpshme, iu drejtova kryetarit të organit të përkohshëm, i cili me mirësjellje, por e përsëris jozyrtarisht, më shpjegoi mënyrën e komunikimit ndërmjet serbëve në Kosovë dhe pushtetit serb. Fatkeqësisht, nuk arrita kurrë në atë marrëveshje”
