Në ndeshjen e vikendit mes KB Trepça dhe KB Vllaznimi të luajtur në palestrën minatori në Mitrovicë pati sharje dhe fyerje në kor nga tifozët vendës ndaj basketbollistit mitrovicas Drilon Hajrizi, ku për pasojë një pjesë tifozëve “Torcida” u larguan nga palestra.
Ndaj këtij zhvillimi ka reagur sot basketbollisti Drilon Hajrizi, duke thënë se palestra Minatori ështy foleja e tij, ani pse ai ndër vite ka mbrojtur ngjyrat e ekipeve rivale të KB Trepça, si të Sigal Prishtinës, KB Peja dhe KB Bashkimi Prizren, transmeton VeriuInfo.
“Minatori është foleja ime. Trepça është fryma ime. Torcida është zemra ime. Krejt këto janë vetja ime Si lojtar profesionist e kisha për detyrë fitoren e Trepçës. Atë do të vazhdojë ta synojë për sa kohë me lejon shëndeti dhe qyteti!”, ka shkruar Drilon Hajrizi.
Ai ka thënë se individët që e quajtën tradhëtar e morën ‘përgjigjen e merituar’.
“Individët që tentonin të më dekoncentronin nga loja duke më sharë dhe quajtur tradhëtar e morën përgjigjen e merituar. Vullnetin e qytetarit nuk ka forcë që e ndalon. Ajo duron, por në fund triumfon Qëllimet tona të përbashkëta nuk duhet të kërcënohen nga individë destruktiv. Bashkimi është sinergji. Jemi të obliguar që këtë singjeri ta ruajmë. Sidomos tani kur ndodhemi përpara lojërave më të rëndësishme në historinë e klubit tonë të zemrës, TREPÇA! Vazhdojmë”, ka përfunduar reagimin Drilon Hajrizi.
Kujtojmë se kur KB Trepça pati vështirësi financiare, probleme me palestër për shkak të renovimit dhe mungesë të rezultateve, Drilon Hajrizi zgjedhi ta braktis klubin e qytetit të tij dhe të transferohej të KB Peja, më pas edhe te rivali i përbetuar i mitrovicasve Sigal Prishtina, por edhe te rivali tjetër KB Bashkimi Prizren.
Për shkak të këtyre transfereve tek rivalët, një pjesë e madhe e tifozëve mitrovicas “Torcida” nuk e mirëpriten rikthimin e tij te KB Trepça në sezonin 2020/21. të cilët kishin dalë me reagim duke kundërshtuar rikthimin e tij, me paralajmërim se nuk do te marrim përgjegjësi për gjërat që mund të ndodhin.
