Riza është frizeri i cili është bërë viral me videot e tij të publikuara në rrjetet sociale, por së fundmi videoja që ka qarkulluar më së shumti ka qenë ajo duke e “sharritur” një çifteli.
Ai në emisionin “Kosova Today” është shprehur se me personat pjesëmarrës në video është njohur së fundmi, duke shtuar se secili artist duhet ta ketë një video me të, njofton Klankosova.tv.
“Nuk ka shumë kohë që i njoh, kemi qenë në një organizim para 5-6 muajsh dhe jemi njoftuar, normalisht që edhe për ne edhe për ata është një imazh i mirë.
“Duhet me pas një artist një video me Rizën, sepse nesër, pasnesër do ta ketë një nip dhe ai nipi duhet të thotë gjyshi ka jetuar në kohë të Rizës”, është shprehur ai.
