Kreu i Aleancës për Ardhmërinë e Kosovës, Ramush Haradinaj, ka reaguar lidhur me votimin e serbëve të Kosovës në referendumin e Serbisë.
“Pretendimi i Serbisë që të organizojë referendum kushtetues në territorin e Kosovës është sulm flagrant mbi sovranitetin dhe integritetin e kushtetutës së Kosovës”, ka shkruar Haradinaj.
Kryeministri i Kosovës, Albin Kurti, bashkë me presidenten, Vjosa Osmani dhe Glauk Konjufcën, sot janë takuar me ambasadorët e QUINT-it.
Kurti ka folur shkurt për mediat pas takimit me ambasadorët e shteteve të QUINT-it, duke thënë se tri institucionet kyçe të shtetit do të dalin me komunikatë të përbashkët gjatë ditës, duke mos dhënë detaje më shumë.
Gjithashtu, lidhur me këtë i pari i ekzekutivit ka thirrur seancë të jashtëzakonshme të Kuvendit, nesër me fillim nga ora 14:00.
