7 marsi i vitit 1887 ishte data kur u hap shkolla e parë në gjuhën shqipe, dhe nga ajo kohë kjo datë shënohet në nderim të punës dhe angazhimit të pashoq që bëjnë mësuesit për edukimin dhe arsimimin e brezave të tërë, shkruan Gazeta Online Veriu.info.
Mësimdhënësit në Kosovë vazhdojnë të përballen me problemne të shumta, por pavarsisht kësaj një pjesë e tyre nuk heqin dorë nga misioni i shenjtë.
Liberalizimi i vizave ka prekur në masë të madhe arsimin në vendin tonë, pasi shumë mësimdhënës po marrin rrugën e mërgimit si mundësi për një jetë më të mirë.
Gazeta Online Veriu.info ka mbledhur të dhëna zyrtare nga Sindikata e Arsimit të cilët kanë konfirmuar se rreth 600 mësimdhënës në nivel vendi kanë kërkuar pushim pa pagesë pas liberalizimit të vizave, kurse në vitin 2023 ky numër ishte 300 mësimdhënës.
“Sipas të dhënave të kryetarëve të sindikatave të niveleve komunale numri i mësimdhënëseve që kanë bërë kërkesë në drejtorit komunale të arsimit në komunat e tyre për pushim pa pagesë për vitin shkollorë 2023/2024 vetëm në vitin 2023 ka qenë rreth 300 ndërsa pas liberalizimit të vizave në vitin 2024 tani ky numër është rreth 600 mësimdhënës.” – thuhet në përgjigjn e SBASHK-ut.
Kurse një numër i madh i mësimdhënësve pa bërë kërkesë fare në drejtoritë e arsimit, janë larguar jashtë vendit për një jetë më të mirë.
“Një numër i mësimdhënësve pa bërë kërkesë fare në drejtorit komunale të arsimit pas liberalizimit të vizave po i lëshojnë vendet e tyre të punës dhe po shkoj në shtete të ndryshme të evropës për të gjetur vende të punës me kushte më të mira të punës.” – thuhet në përgjigjen e SBASHK-ut./Veriu.info/
