Ministri i Administrimit të Pushtetit Lokal, Elbert Krasniqi, në një prononcim dhënë për “Gazeta Blic” ka treguar arsyet e shkarkimit të ekipit menaxhues që ka hartuar Draft-Statutin e Asociacionit.
Krasniqi ka thënë se Drafti i prezantuar në Bruksel ka qenë jokushtetuese dhe jo në interes të Kosovës.
“Ne kemi marrë vendimin për lirimin e ekipit menaxhues. Ata e kanë pas mandatin deri aty, e kanë ba një propozim të Drfatit. Ai Draft është jokushtetuese, jo në interesin tonë, por sidoqoftë ne nuk kemi dashur të paragjykojmë punën e tyre. Tanimë nuk ka arsye me ekzistu më ai ekip menaxhues”, deklaroi ministri i MAPL-së.
I pyetur se kur pritet të formohet ekipi i ri, Krasniqi u përgjigj kështu.
“Nuk besoj që duhet të ketë më ekip të ri. Drati është prezantu, ai draft nuk është relevant, kryeministri Kurti ka prezantu një vizion të Qeverisë dhe ajo është e rëndësishme për ne”, deklaroi minsitri Krasniqi për “Gazeta Blic”Se Draft-Statuti ishte i papajtueshëm më Kushtetutën, e deklaroi edhe kryeministri Kurti pas takimit.
“Ne këtë takim filluam me një note te larte pozitive, u dakorduam me tekstin e marrëveshjes për çështjen e të zhdukurve me dhunë nga lufta në Kosovë. Në këtë takim të sotëm pas marrëveshjes për te pagjeturit, degjuam ekipin që prezantoi një draft statutin per Asociacionin.
“Një draft statut i tillë është fondamentalisht i papajtueshëm me Kushtetutën, por përkundër kësaj ne jemi të angazhuar të gjejmë zgjidhje” tha Kurti pas takimit në Bruksel.
Një ditë pas takimit të mbajtur në Bruksel, Qeveria e Kosovës shkarkoi ekipin menaxhues që hartoi Draft-Statutin e Asociacionit.
Ku ekip përbëhej nga Jelena Boloviç, Danijela Vujacic, Igor Kalmar dhe Dejan Radojkovic.
Menjëherë pas shkarkimit të këtij ekipi, erdhi reagimi i Brukselit zyrtar.
Zëdhënësi i Bashkimit Evropian për Politikë të Jashtme dhe Siguri, Peter Stano, deklaroi se vendimi i Qeverisë së Kosovës për shkarkimin e ekipit menaxhues është në kundërshtim me marrëveshjen.
“Palët ishin pajtuar rreth përbërjes së Ekipit Menaxhues. Anëtarët e Ekipit Menaxhues janë propozuar nga Serbia dhe zyrtarisht janë emëruar nga Kosova.
Ekipi Menaxhues propozoi dhe paraqiti draftin e parë, që do të thotë se nisën procesin e jo që procesi mori fund. Prandaj, vendimi për ta shkarkuar Ekipin Menaxhues shkel tekstin dhe frymën e marrëveshjes”, theksoi Stano para gazetarëve, raporton Gazeta Blic.
