Tashmë kandidati republikan për president, Donald Trump ka siguruar numrin e nevojshëm të votave të Kolegjit Zgjedhor për t’u bërë kështu fitues i zgjedhjeve presidenciale në Shtetet e Bashkuara të Amerikës. Siç shkruan Reuters, ai mund ta nisë procesin e zgjedhjes së kabinetit dhe zyrtarëve të tjerë të lartë të administratës në javët në vazhdim.
Scott Bessent, sekretar potencial i thesarit
Bessent, një këshilltar kyç për ekonomi i Trumpit, është parë gjërësisht si top kandidati për sekretar të thesarit.
Një investitor afatgjatë i fondeve mbrojtëse, i cili ka dhënë mësim në Universitetin e Yale për disa vite, Bessent ka një marrëdhënie të ngrohtë me presidentin e zgjedhur, transmeton Nacionale.
John Paulson, sekretar potencial i thesarit
Paulson, një miliarder menaxher i fondeve mbrojtësi dhe donatori kryesor i Trump, është një figurë tjetër pretendente për sekretarin e thesarit.
Financieri shumëvjeçar u ka thënë bashkëpunëtorëve se do të ishte i interesuar për këtë punë.
Larry Kudlow, sekretar potencial i thesarit
Personaliteti i Fox News, Larry Kudlow, i cili ka shërbyer si drejtor i Këshillit Ekonomik Kombëtar për pjesën më të madhe të mandatit të parë të Trump, ka një mundësi për t’u bërë sekretar i thesarit.
I njëjti, sipas mediumit, ka gjasë të ketë një mundësi për të marrë një pozicion të veçantë të fokusuar në ekonomi nëse është i interesuar.
Robert Lighthizer, sekretar potencial i thesarit
Një figurë besnike që ka shërbyer si përfaqësues për tregti i Trump përgjatë gjithë mandatit të kaluar të Trump, Lighthizer me shumë gjasë do të ftohet sërish.
Megjithëse Bessent dhe Paulson ka të ngjarë të kenë një mundësi më të mirë për t’u bërë sekretar i thesarit, Lighthizer ka një shans të jashtëm dhe ai mund të jetë në gjendje të ripërsëris rolin e tij të vjetër nëse është i interesuar, transmeton Nacionale.
Richard Grenell, këshilltar potencial për siguri kombëtare
Grenell është një prej këshilltarëve për politike të jashtme më të afërt të Trumpit. Në Kosovë, njihet mirë për shkak të punës së tij gjatë mandatit të parë të Administratës Trump.
Kur Trump u takua me presidentin ukrainas Volodymyr Zelenskiy në shtator, Grenell ishte i pranishëm në takimin privat, transmeton Nacionale.
Gjatë mandatit të parë katërvjeçar të presidentit të zgjedhur, ai shërbeu si ushtrues detyre i drejtorit të inteligjencës kombëtare, ambasador i SHBA-së në Gjermani dhe emisar në dialogun Kosovë-Serbi.
Robert O’Brien, sekretar potencial i shtetit
O’brien, këshilltar për siguri kombëtare gjatë mandatit të parë të Trump, mban një marrëdhënie të afërt me presidentin e zgjedhur. Dyshja, flasin shpesh për çështje të sigurisë kombëtare.
Ai pritet të jetë në garë për sekretar të shtetit, ose pozita të tjera të larta që kanë të bëjnë me politikën e jashtme dhe sigurinë kombëtare.
Bill Hagerty, sekretar potencial i shtetit
Një sentar amerikan nga Tennessee i cili ka punuar në përpjekjën e tranzicionit të Trump gjatë vitit 2016, ai konsiderohet si një nga pretendentët kryesor për sekretarin e shtetit.
Hagerty ka mbajtur marrëdhënie solide në thelb me të gjitha fraksionet e Partisë Republikane dhe ka të ngjarë të konfirmohet me lehtësi në Senat.
Marco Rubio, sekretar potencial i shtetit
Rubio, një senator amerikan nga Florida dhe kandidat presidencial republikan në vitin 2016, është po ashtu një ndër pretendentët kryesor për sekretarin e shtetit, politikat e të cilit janë shumë të afërta me ato të Trump.
Veç kësaj, ai ishte pretendent për të qenë kandidat për nënpresident të Trumpit gjatë këtyre zgjedhjeve.
Mike Waltz, sekretar potencial i mbrojtjes
Një ish-Beret i Gjelbër i Ushtrisë, i cili aktualisht është kongresmen amerikan nga Florida, Waltz e ka vendosur veten si një nga skifterët më kryesorë të Kinës në Dhomën e Përfaqësuesve.
Ndër faturat e ndryshme të lidhura me Kinën që ai ka bashkë-sponsorizuar janë masat e krijuara për të pakësuar mbështetjen e SHBA-së në mineralet kritike të minuara në Kinë.
Mike Pompeo, sekretar potencial i mbrojtjes
Pompeo ka shërbyer si drejtor i CIA dhe sekretar i Shtetit gjatë mandatit të parë të Trump.
Ai konsiderohet si një prej pretendentëve kryesor për sekretar të mbrojtjes, por do të mund të merrte edhe pozita të tjera që lidhen me sigurinë kombëtare, intelegjencë apo diplomaci.
Tom Cotton, sekretar potencial i mbrojtjes
I edukuar në Harvard, zyrtari i ushtrisë që u bë më pas senator nga Arkansas, Cotton është shumë i pëlqyer në mesin e donatorëve të Trump dhe është një pretendent serioz për sekretarin e mbrojtjes.
Keith Kellog, kandidat potenciale për pozita të sigurisë kombëtare
Një gjeneral-lejtnant në pension që shërbeu si shef i shtabit të Këshillit të Sigurisë Kombëtare nën Trump, Kellogg është një pretendent për disa pozicione të lidhura me sigurinë kombëtare, megjithëse është e paqartë saktësisht se ku do të zbriste.
Gjatë fushatës, ai i prezantoi Trumpit një plan për t’i dhënë fund luftës në Ukrainë, i cili përfshinte detyrimin e të dyja palëve në tryezën e negociatave dhe përjashtimin e anëtarësimit në NATO për Ukrainën për të ardhmen, mes tjerash.
Tom Homan, sekretar potencial i sigurisë së atdheut
Homan, për një vitë e gjysmë gjatë mandatit të parë të Trump ka shërbyer si ushtrues detyre i drejtorit të Emigracionit dhe Zbatimti të Doganave. Ai është një pretendent për sekretarin e sigurisë së atdheut.
Trump e bëri goditjen e imigracionit të jashtëligjshëm elementin qendror të fushatës së tij, duke premtuar dëbime masive. Ai e ka lavdëruar shpesh Homanin gjatë fushatës së tij.
Chad Wolf, sekretar potencial i sigurisë së atdheut
Wolf, i cili ka shërbyer si ushtrues detyre i sekretarit të sigurisë së ardhetur për 14 muaj gjatë manddatit të parë të Trump, mund të ketë mundësi që të rikthehet sërish.
Mark Green, serketar potencial i sigurisë së atdheut
Një ish-kirurg dhe kryetar aktual i Komitetit të Sigurisë Kombëtare të Dhomës së Përfaqësuesve, Green konsiderohet nga disa aleatë të Trumpit në Uashington si një pretendent për këtë pozitë.
Mbështetësit e tij e përshkruajnë atë një besnik të Trumpit dhe një njeri i vijës së ashpër të emigracionit, i cili gjithashtu ka përvojë të rëndësishme legjislative.
John Ratclife, kryeprokuror potencial
Një ish-kongresmen dhe prokuror që ka shërbyer si drejtor i intelegjencës kombëtare gjatë vitit të fundit të Trump në zyrën ovale.
Ai shihet si një kryeprokuror potencial, edhe pse do të mund të merrte ndonjë rol të ndarë që lidhet me sigurinë kombëtare apo intelegjencë.
Mike Lee, kryeprokuror potencial
Një senator amerikan nga Utah, Lee shihet gjetërsisht një tjetër top kandidat për kryeprokuror.
Megjithëse ish-prokurori refuzoi të votonte për Trump gjatë zgjedhjeve të vitit 2016, ai më vonë u bë një aleat i palëkundur dhe ai është bërë diçka si një hero intelektual midis disa fraksioneve të Trumpëorld.
Susie Wiles, shefe potenciale e stafit
Një nga dy menaxherët e kampanjës, Wiles shihet si favoritja kryesor për t’u bërë shefe e stafit të Shtëpisë së Bardhë nën udhëheqjen e Trump.
Ndërsa specifikat e pikëpamjeve të saj politike janë disi të paqarta, asaj i njihet merita për drejtimin e një fushate të suksesshme dhe efikase, transmeton Nacionale.
Brooke Rollins, shefe potenciale e stafit
Ish-drejtoresha në detyrë e Këshillit të Politikave të Brendshme të Trump, Rollins është gjithashtu një pretendente për shefen e stafit.
Ajo përgjithësisht konsiderohej si një nga këshilltaret më të moderuara të Trump gjatë kohës që ishte në detyrë.
Kash Patel, kandidat potencial për pozita të sigurisë kombëtare
Një ish-punonjës republikan i Dhomës së Përfaqësuesve, i cili shërbeu në role të ndryshme të stafit të rangut të lartë në komunitetet e mbrojtjes dhe inteligjencës gjatë mandatit të parë të Trump, Patel është shfaqur shpesh në fushatën për të siguruar mbështetje për kandidatin presidencial.
Disa aleatë të Trumpit do të dëshironin të shihnin Patelin, i konsideruar si besnik i tij, të emëruar drejtor të CIA-s. Sidoqoftë, çdo pozicion që kërkon konfirmimin e Senatit mund të jetë një sfidë.
