Fisnik Hailimi nga kompania PIPOS që të prezantojë Exit Poll-in në “Klan Kosova” ka njoftuar se deri më tash i kanë pasur 15 mijë të anketuar dhe se anketimet po vijojnë ende deri mbylljen e vendvotimeve në ora 19:00.
Halimi tha se prania e madh e votuesve të diasporës në Kosovë e ka bërë punën “më ekzotike”, por siguroi se rezultati i projeksionit të kompanisë s së vet do të jetë “brenda margjinave të gabimit”.
“Kemi një ditë interesante të zgjedhjeve, për faktin që kemi një fluks të diasporës në Kosovë dhe thjesht është pak më ekzotike për ne në terren që të anketojmë. Po bëjmë gjithçka që është e mundur, por kisha dashur të them që pa punën e anketuesve në terren, puna jonë nuk do mund të ishte kualitative. Besojmë shumë, dhe krejt parametrat janë që edhe sonte të kemi një rezultat brenda standardeve të lejuara ndërkombëtarisht, brenda margjinave të gabimit”, tha ai.
“Anketimi është duke vazhduar dhe ka shumë që do të përgjigjen. Deri tani ka kaluar 15 mijë njerëz të cilët janë përgjigjur, natyrisht jo të gjitha përgjigjet merren parasysh”, tha tutje ai.
