Veriu.info
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Veriu
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

Fati i projektligji për ‘TikTok-un’ i pasigurt në Senat

27/03/2024 - 19:12
në Tech
A A
Fati i projektligji për ‘TikTok-un’ i pasigurt në Senat
Shpërndaje në FacebookShpërndaje në Whatsapp

Zërat e djemve të rinj, në mesazhet e lëna për senatorin e Karolinës së Veriut Thom Tillis, janë gazmorë, por mesazhi i tyre është ogurzi.

“Dëgjo, nëse e ndalon ‘TikTokun’, unë do të gjej dhe do të të qëlloj”, thotë një prej tyre, ndërsa në sfond dpgjohen të qeshura dhe zërta të tjerë që thonu “Do të të qëlloj, do të të gjej ku je dhe do të të bëj copa-copa.”

Zyra e Senatorit thotë se ka marrë rreth 1000 telefonata në lidhje me platformën e rrjeteve sociale ‘TikTok’, që kur Dhoma e Përfaqësuesve miratoi projekt-ligjin në mars për të ndaluar aplikacionin popullor nëse pronari i tij me bazë në Kinë nuk shet aksionet e tij në ShBA. ‘TikTok-u’ u ka kërkuar përdoruesve të tij, shumë prej të cilëve të rinj, të telefonojnë përfaqësuesit e tyre për të kundërshtuar miratimin e projektligjit. “Qeveria do të ndalojë platformën që ju dhe miliona amerikanë të tjerë e doni”, thoshte një mesazh nga kompania që shfaqet kur përdoruesit hapën aplikacionin.

Senatori Tillis, i cili mbështet projektligjin e Dhomës së Përfaqësuesve, i raportoi mesazhet në polici. “Ajo që urrej në lidhje me këtë është se kjo tregon ndikimin e madh që platformat e mediave sociale kanë tek të rinjtë”, tha ai në një intervistë.

Fushata e gjerë e lobimit të ‘TikTokut’ është përpjekja e fundit e industrisë së teknologjisë për të shmangur çdo ligj të ri dhe është një luftë që industria zakonisht e fiton.

“Është pothuajse e turpshme” thotë Kryetari i Komitetit të Inteligjencës të Senatit, demokrati nga Virxhinia Mark Warner, ish dfrejtor ekzekutiv nga sektori i teknologjisë, i cili gjithashtu po mbështet projektligjin për ‘TikTok-un’ dhe është përpjekur prej kohësh të nxisë kolegët e tij të marrin masa rregulluese ndaj këtij sektori.

Presidenti Joe Biden ka thënë se do ta nënshkruajë projektligjin e Dhomës së Përfaqësuesve, i cili kaloi me shumicë dërrmuese 362-65 këtë muaj.

Por projektligji tani është duke u përballur me pengesa në Senat, ku ka pak dakortësi për mënyrën më të mirë për t’u siguruar që Kina të mos ketë qasje në të dhënat private të 170 milionë përdorues amerikanë të aplikacionit ose të ndikojë te ata nëpërmjet algoritmeve të saj.

Disa ligjvënës janë të shqetësuar se bllokimi i ‘TikTok-ut’ mund të zemërojë miliona të rinj që përdorin aplikacionin, grup votuesish ky që vlerësohet si vendimtar në zgjedhjet e nëntorit. Por zoti Warner thotë se “debati është zhvendosur” nga diskutimi për një ndalim të plotë një vit më parë, tek projekt-ligji i Dhomës së Përfaqësuesve, i cili nuk do të bënte ndalim të plotë të ‘TikTok-ut’, por do të detyronte atë, që është tërësisht në pronësi të firmës kineze të teknologjisë “ByteDance Ltd.”, të shesë aksionet e saj në Amerikë që aplikacioni të vazhdojë të funksionojë.

Nënpresidentja Kamala Harris, në një intervistë televizive që u transmetua të dielën, pranoi se aplikacioni gëzon popullaritet dhe se ai është kthyer në një burim të ardhurash për shumë njerëz. Ajo tha se administrata nuk ka ndërmend të ndalojë ‘TikTok-un’, por përkundrazi të merret me pronësinë e tij. “Ne e kuptojmë qëllimin dhe dobinë e tij dhe kënaqësinë që u jep shumë njerëzve”, tha zonja Harris për programin “This Week” të televizionit amerikan ABC.

Republikanët janë të ndarë. Ndërsa shumica e tyre mbështesin legjislacionin për ‘TikTok-un’, të tjerët janë të shqetësuar nga masat e tepërta kufizuese dhe nga fakti që qeveria ka vënë në shënjestër një firmë.

Me shpresën për të bindur kolegët e tyre për të mbështetur projektligjin, senatori demokrat Richard Blumenthal dhe Senatorja republikane Marsha Blackburn u kanë bërë thirrje agjencive të inteligjencës që të deklasifikojnë informacionin në lidhje me pronësinë e ‘TikTok-ut’ nga Kina.

“Është jashtëzakonisht e rëndësishme që populli amerikan, veçanërisht përdoruesit e ‘TikTok-ut’, të kuptojnë çështjet që kanë të bëjnë me sigurinë kombëtare”, thanë senatorët në një deklaratë të përbashkët.

Udhëheqësi i shumicës në Senat, demokrati Chuck Schumer ka thënë shumë pak për projektligjin e‘TikTok-un.

“Senati do ta shqyrtojë legjislacionin kur ai të dalë nga Dhoma e Përfaqësuesve”, ishte gjithçka që ai tha pasi Dhoma e miratoi projektligjin.

Senatori i Dakotës së Jugut, republikani Mike Rounds që ka punuar me demokratin Schumer në përpjekjen për rregullimin me ligj të inteligjencës artificiale, thotë se Senati mund të miratojë një projekt-ligj për ‘TikTok-un’, edhe nëse bëhet fjalë për një version tjetër. Ai thotë se të dhënat e klasifikuara “bindën shumicën dërrmuese të ligjvënësve” se ata duhet të marrin masa për mbledhjen e të dhënave nga aplikacioni dhe aftësinë e ‘TikTok-ut’ për të përhapur dezinformata te përdoruesit. /VOA

JU REKOMANDOJMË

Bitcoin arrin nivelin historik prej 118.400 dollarësh
Tech

Bitcoin arrin nivelin historik prej 118.400 dollarësh

11/07/2025 - 10:01
Turqia ia bllokon chatbot-in Muskut pas ofendimeve ndaj Erdoganit, nënës së tij dhe Ataturkut
Lajme

Turqia ia bllokon chatbot-in Muskut pas ofendimeve ndaj Erdoganit, nënës së tij dhe Ataturkut

09/07/2025 - 11:52
Përse ka rëndësi të ktheni telefonin me ekran poshtë
Tech

Përse ka rëndësi të ktheni telefonin me ekran poshtë

23/06/2025 - 11:36
Në këto pajisje do të shkojë së pari Android 16
Tech

Në këto pajisje do të shkojë së pari Android 16

20/06/2025 - 13:29
“Përditësoni të dhënat”, Google me kërkesë për përdoruesit e Gmail
Tech

“Përditësoni të dhënat”, Google me kërkesë për përdoruesit e Gmail

19/06/2025 - 14:39
Cilat aplikacione kanë dominuar shkarkimet në Evropë këtë vit?
Tech

Cilat aplikacione kanë dominuar shkarkimet në Evropë këtë vit?

13/06/2025 - 15:03

Më të lexuarat në 24 orët e fundit

  • I plagosuri në Vushtrri ishte rojtar objekti, shumë policë po kryejnë hetime (FOTO)

    I plagosuri në Vushtrri ishte rojtar objekti, shumë policë po kryejnë hetime (FOTO)

    185 Shpërndaje
    Shpërndaje 74 Tweet 46
  • I përkeqësohet gjendja të plagosurit me armë në Gojbulë të Vushtrrisë, punonte si roje objekti në një pronë të familjes Gerbeshi

    179 Shpërndaje
    Shpërndaje 72 Tweet 45
  • Një qytetar i bën për spital dy policë, nuk i lejoi t’ia arrestonin djalin

    114 Shpërndaje
    Shpërndaje 46 Tweet 29
  • Policia në kërkim të Meriton Mjekiqit dhe vëllait të tij, dyshohen për përfshirje në një vepër të rëndë penale

    114 Shpërndaje
    Shpërndaje 46 Tweet 29
  • Pla’goset një person me armë zjarri në Vushtrri

    109 Shpërndaje
    Shpërndaje 44 Tweet 27

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë