Juristi Tomë Gashi ka thënë se kryeministri i Kosovës, Albin Kurti, nuk do t’a pranojë Asociacionin si kusht për anëtarësim në Këshillin e Evropës.
Ai në emisionin FIVE, ka përjashtuar mundësinë e pranimit të draft statutit për shkak të shqetësimeve për sovranitetin e Kosovës.
Gashi ka theksuar se Kurti po vepron në mënyrë të drejtë duke mos pranuar draftin e Asociacionit me çdo kusht për pushtet.
“Ajo që tani po e dimë jo të gjitha por së paku dy apo tri shtet si Franca Gjermania Italia kërkojnë paraprakisht para pranimet të Kosovës në KiE që të dërgohet draft statuti i Asociacionit inekzistenc në Gjykatë Kushtetuese. Unë nuk besoj që dikush e ka pranuar atë draft, nuk është zyrtar deri më tani nuk besoj që ka prova se draft statutin e ka pranuar Qeveria e Kosovës. Ai ka pasur vërejtjet e draftit dhe këto s’janë marrë parasysh fare. Mendoj se Kurti është duke vepruar drejtë pamarre parasysh që dikush mendon se ai për të qenë në pushtet duhet të pranonte gjithçka, ai nuk është si disa të tjerët”, ka deklaruar Gashi.
