Të martën, kryenegociatori i Kosovës për bisedimet me Serbinë, Besnik Bislimi është takuar në Bruksel me kryenegociatorin e Serbisë, Petar Petkoviq.
Menjëherë pas përfundimit të takimi shkroi emisari Lajçak, që tha se kanë diskutuar një mori çështjes dhe kanë rënë dakord për një sërë hapash vijues.
“Sapo përfunduan më shumë se shtatë orë takime në nivelin e kryenegociatorëve. Me Besnik Bislmin dhe Petar Petkoviqin. Ne diskutuam një gamë të gjerë çështjesh dhe ramë dakord për një sërë hapash vijues.” – ka shkruar Lajçak në X.
Në anë tjetër, Bislimi nuk përmendi se është pajtuar për ndonjë gjë në këto takime, duke thënë se pala serbe kishte interesim vetëm për Asociacionin.
Gjithashtu, Qeveria e Kosovës lëshoi një njoftim për këtë takim, duke thënë se Serbia ka refuzuar të pranojë Marrëveshjen Bazike.
“Në takimet e sotme në nivel të kryenegociatorëve, ku delegacioni i Kosovës kryesohej nga Zëvendëskryeministri i parë për Integrim Evropian, Zhvillim dhe Dialog, Besnik Bislimi, u diskutua mbi formalizimin e Marrëveshjes Bazike, si element kryesor dhe i parë për zbatim të sekuencuar të marrëveshjes, bashkë me aneksin e Ohrit, mbi Planin e Sekuencimit, zbatimin e Marrëveshjes së Energjisë, rreth mungesës së përparimit në zbatimin e Deklaratës për personat e zhdukur me dhunë, si dhe zbatimin e një numri marrëveshjesh të tjera, përfshirë IBM, si dhe atë për vizitat e zyrtarëve.”
“Pala serbe refuzoi të përfshihet në diskutim për dakordimin e planit të sekuencimit si dhe në arritjen e formalizimit të marrëveshjes, bazuar në garancat e kërkuara në takimin e liderëve javën e kaluar. Diskutimi rreth çështjes së personave të zhdukur ekspozoi sërish që pala serbe është duke e sabotuar procesin, duke nxjerrë vazhdimisht kërkesa të reja me qëllim të bllokimit të procesit.” – thuhet në njoftim.
Në anën tjetër, kryenegociatori i Serbisëm Petear Petkoviq, i cilësoi takimet si “të vështira.
Tutje ai ka thënë se në këtë takim ka ngulur këmbë në themelimin e Asociacionit.
Nuk dihet se kur do të mbahet takimi i radhës.