Gazetari Shkëlzen Dakaj ka reaguar ashpër ndaj figurave të Lidhja Demokratike e Kosovës, Avdullah Hoti dhe Driton Selmanaj, duke i akuzuar për mungesë angazhimi në fushatën zgjedhore dhe për jetë luksi në Greqi në kohën kur, sipas tij, partia po zhvillon një nga fushatat më intensive opozitare të viteve të fundit.
Në deklaratën e tij publike, Dakaj tha se derisa presidentja Vjosa Osmani, kreu i LDK-së Lumir Abdixhiku dhe shumica e kandidatëve të partisë janë duke zhvilluar takime të shumta me qytetarë çdo ditë, Hoti dhe Selmanaj kanë zgjedhur pushimet në resorte luksoze në Greqi.
Ai e quajti Hotin “intelektual që saboton tubimet e LDK-së”, duke pretenduar se ish-kryeministri është i pakënaqur me pozicionimin në listën zgjedhore dhe se kundërshton bashkëpunimin me Vjosa Osmanin.
Sipas Dakajt, Hoti dhe Selmanaj dikur promovonin imazhin e politikanëve modestë, duke folur për “jetë të thjeshtë” dhe ushqim me “sendviça”, ndërsa tani, sipas tij, po qëndrojnë në hotele luksoze 5-yjëshe në Halkidiki të Greqisë.
“Qe pse LDK-ja ka ra në 12%. Sepse figura si Dulla e Dritoni mendojnë që qytetari ua ka borxh votën”, shkroi ndër të tjera Dakaj.
Ai shtoi se të dy politikanët po mungojnë në terren në një moment që, sipas tij, është kritik për opozitën dhe për vetë LDK-në, duke paralajmëruar gjithashtu publikimin e vendit dhe hotelit ku, siç u shpreh ai, “po rreziten këta dy ‘sendviçat’ e LDK-së”.
Postimi i tij:
Avdullah Hoti dhe Driton Selmanaj, nga sendviçat në luksin e hoteleve 5+⭐️ në Halkidiki, Greqi
Derisa Vjosa Osmani, Lumir Abdixhiku dhe shumica e kandidatëve të LDK-së janë në terren, me nga katër-pesë tubime e takime në ditë me qytetarë, në një prej fushatave më intensive që ka zhvilluar opozita në vitet e fundit.
Avdullah Hoti, intelektuali që saboton tubimet e LDK-së, kundërshton bashkëpunimin me Vjosa Osmanin dhe ankohet pse nuk është futur në 10-she, bash në këtë kohë e shijon jetën e luksit në një prej hoteleve më ekskluzive me 5+ yje në Greqi.
Paramendone, bashkë me Driton Selmanajn — kjo dyshe që dikur, kur i ngriti LDK-ja, njërin e bëri kryeministër e tjetrin zëvendëskryeministër — na shitnin dokrra për “modesti”, kinse ushqeheshin me sendviça dhe bënin jetë të thjeshtë.
Avdullah Hoti, që sot është në gjendje me e djeg edhe partinë e vet vetëm pse nuk e kanë shti në 10-she të parë, në momentin më kritik për opozitën dhe vetë LDK-në, kur duhej me dalë në terren për me e forcu partinë dhe me e luftu pushtetin e Kurtit, ka zgjedhur që në kohë fushate me ba pushime luksi në Greqi.
Driton Selmanaj, kryetar dege në Prizren, të cilin LDK-ja njëherë e bëri zëvendëskryeministër, pastaj deputet e kandidat për kryetar komune, në kulmin e fushatës zgjedhore e sheh njeriu në resort luksoz në vend të angazhimit politik.
Qe pse LDK-ja ka ra në 12%.
Sepse figura si Dulla e Dritoni mendojnë që qytetari ua ka borxh votën, vetëm pse këta janë kinse “intelektualë”, duke bërë herë rolin e modestëve e herë të viktimave të partisë. Në realitet, këta i mban vetëm hija e LDK-së. Për parti e për shtet — e pse ta lodhin bythën me ba opozitë këta — harrone.
Përndryshe, nesër e zbuloni vendin dhe hotelin luksoz në Greqi ku “rreziten” këta dy “sendviçat” e LDK-së.
Shiko më pak
