Sipas gazetarit të njohur belg, Sacha Tavolieri, saga e transferimit të Edon Zhegrovës është duke hyrë në fazën përfundimtare.
Raportohet se problemet me pasaportën e sulmuesit kosovar janë zgjidhur, duke i hapur rrugën finalizimit të marrëveshjes me Marseille.
Burimet tregojnë se tashmë është arritur një akord kontraktual mbi bazën e një marrëveshjeje 5-vjeçare, ndërsa vetë Zhegrova ka rikonfirmuar në orët e fundit dëshirën e tij për t’iu bashkuar gjigantit francez.
Në këtë drejtim, pritet një takim vendimtar mes Lille (LOSC) dhe Olympique de Marseille (OM) për të mbyllur përfundimisht marrëveshjen.
Nëse gjithçka shkon sipas planit, Zhegrova pritet të bëhet përforcimi më i ri i skuadrës së trajnerit Roberto De Zerbi, duke sjellë fantazi dhe kualitet në repartin ofensiv të marsejezëve.
