Gazetari serb, Radomir Dimic thotë se në kohën kur shteti i Kosovës nuk merrej me veriun, u krijuan kushte të jashtëzakonshme për kriminelët serb atje.
Dimic në një përgjigje dhënë për GazetaBlic thekson se, gjendjen e mjerueshme në veri të Kosovës, e ndërpreu ardhja në pushtet e Albin Kurtit, ku sipas tij, ndërpreu rrugët e kriminelëve dhe ëndrrat e tyre se Asociacioni do të krijojë një Republikë Srpska.
“Mendoj që asnjë urë nuk duhet për të qenë simbol i ndarje në mes qytetarëve, të cilët i ka nda lufta, politika e serbisë dhe regjimi i Millosheviçit, i cili është fajtori më i madh për krimet e shqiptarvëe. Mitrovicën e ndanë në dy pjesë, e ndanë shovenistët dhe nacionalistët me ndihmën e autoritetve ndërkombëtare, pa lidhjen e Kosovës, u krijuan kushte të jashtëzakonshme për kriminelet, krimet dhe kaosin. Policia e Kosovës nuk ka pasë qasje dhe as ndikim në veri të Mitrovicës”, tha Dimic.
“Këtë gjendje e ndërpreu Qeveria e Albin Kurtit, duke përjashtuar nga Kosova institucionet e shtetit të Serbisë. Me këtë u këputën rrugët dhe bizneset e krimineleve dhe shumë krime që kanë qenë edhe më përpara. Qytetarët e veriut kanë qenë si “kali trajan” i Beogradit, i cili u paraqitke si mbrojtës i interesave të tyre, në çdo aspekt. Për këtë arsye i kanë besuar Aleksandër Vuçiqit dhe propagandës se me Asociacion do të fitojnë Republikë Srbska, madje edhe kanë besuar që do të kthehet ushtria e Serbisë. Me këto iluzione kanë jetuar qytetarët e veriut, duke menduar se pa paguar rrymën e ujin, do të vazhdojnë edhe shumë vite”, shton ai.
