“Nëse Amerika për interesat e veta e shtyu Edi Ramën që t’i kërkojë Paktit të NATO-s që Kosova të anëtarësohet në Partneritet për Paqe, ka shumë mundësi që kjo të ndodhë, sepse nuk është në interesin e tyre që ajo zonë, si edhe BeH, të jetë jashtë kontrollit të kësaj aleance ushtarake perëndimore, pra Amerikës”, pretendon Mitar Kovaç, gjeneral-majori serb, raporton gazeta ruse në gjuhën serbe Sputnik.
Kryeministri i Shqipërisë Edi Rama i bëri thirrje Sekretarit të Përgjithshëm të NATO-s Jens Stoltenberg që të përfshijë Kosovën në programin Partneriteti për Paqe. Ai ka thënë se Shqipëria dëshiron që Kosova të përfshihet në Partneritetin për Paqe.
I pyetur nëse situata e re gjeopolitike mund t’i hapë derën anëtarësimit të Kosovës në Partneritetin për Paqe, gjenerali Mitar Kovaç, ka thënë se ky proces tashmë po zhvillohet dhe, natyrisht, nën patronazhin e paktit të NATO-s, por “me presion të madh nga Amerika dhe Britania e Madhe”.
Nëse është kjo ideja e Amerikës dhe Britanisë, ai thotë se kjo çështje ka marrë fund.
“Mendoj se strategjia e Shteteve të Bashkuara dhe Mbretërisë së Bashkuar i imponohet paktit të NATO-s, gjë që duket edhe nga pranimi i shpejtë i Finlandës dhe Suedisë në këtë aleancë. Prandaj, interesat e Amerikës janë parësore në raport me vendet tjera të paktit të NATO-s që ndjekin dhe zbatojnë verbërisht udhëzimet e dhëna nga Amerika”, pretendon Kovaç, transmeton Paparaci.
Kovaç është i sigurt se, nëse Amerika ka gjykuar se për shkak të krizës në Evropë, duhet ta pranojnë Kosovën në NATO në një të ardhme të afërt, atëherë nuk përjashtohet që tani ta mbështesin aplikimin e Kosovës për Partneritetin për Paqe.
“Kështu do të ndodhte një lloj procesi përgatitor, i cili do t’i jepte hapësirë Kosovës që ushtria e tyre të njihet si forca zyrtare e armatosur e shtetit të Kosovës, e cila do të plotësonte të paktën një kusht për pranimin e saj në NATO. Vetë pjesëmarrja në Partneritetin për Paqe do të thotë në thelb se ata kanë forcat e tyre të armatosura”, shpjegon Kovaç.
Nëse kjo ndodh, thekson Kovaç, atëherë mund të thuhet me siguri se “Amerika në Evropë ka shkelur të gjitha kriteret e standardeve dhe sigurisë dhe ka krijuar një precedent tjetër”.
Nga ana tjetër, shton ai, Amerika nuk e fsheh se dëshiron të zgjerojë hapësirën shqiptare për bazat e saj, gjë që natyrisht, siç shton ai, “cenon interesat kombëtare të Serbisë”.
“A do të hyjë apo jo Kosova në Partneritetin për Paqe varet nëse Amerika i ka thënë Shqipërisë ta ngrejë këtë çështje, si anëtare e paktit të NATO-s, apo Rama e bëri me iniciativën e tij. Pra, ashtu si vendosë Amerika, ashtu do të jetë edhe në NATO, që do të thotë se nuk ka aty asnjë mbivotim apo shans që fuqitë e tjera dhe anëtarët e NATO-s ta ndryshojnë atë vendim”, është i sigurt Kovaç.
Me fjalë të tjera, shton ai, “nëse Amerika dhe Britania e Madhe kujdesen që NATO të marrë atë hapësirë si dhe hapësirën e Bosnjës dhe Hercegovinës, është vetëm çështje kohe se kujt do t’i jepet përparësi dhe në çfarë rrethanash”.
“NATO-s nuk i përgjigjet që kjo zonë të jetë jashtë zonës së saj dhe për këtë arsye do të bëjë gjithçka që brenda një kohe sa më të shkurtër të marrë dhe ose të krijojë rrethana që Kosova dhe Bosnja dhe Hercegovina të tërhiqen shpejt, si Finlanda dhe Suedia në aleancë”, ankohet Kovaç, duke theksuar se për shkak të ndryshimeve gjeostrategjike në botë dhe në Evropë, NATO, pra Amerika, “i jep vetes të drejtën të heqë dorë nga kriteret e saj tradicionale për pranim në Partneritet, dhe mundësisht për anëtarësim në këtë aleancë ushtarake perëndimore”, tha Kovaç.
JU REKOMANDOJMË
Beha: Gjyqtari që kërkoi të shqyrtohej lirimi i Thaçit nuk u përfshi më në panelet për krerët e UÇK-së
Gazetari Besian Beha ka ngritur pikëpyetje lidhur me përbërjen e paneleve gjyqësore që kanë vendosur për vazhdimin e paraburgimit të ish-krerëve të Ushtrisë Çlirimtare të Kosovës në Hagë....
Më shumëDetailsNjë ditë para protestës, Rama i drejtohet Qeverisë: Mos i merrni komunave atë që u takon qytetarëve
Kryetari i Prishtinës, Përparim Rama, ka publikuar një video në Facebook një ditë para protestës së komunave para Qeverisë së Kosovës. Rama ka kërkuar nga ekzekutivi qendror që...
Më shumëDetailsOlluri për Bekim Sejdiun: Kandidat konsensual i Osmanit dhe Abdixhikut, grupi parlamentar i LDK-së akoma nuk e ka thënë fjalën e vetë
Gazetari Parim Olluri, ka thënë në “Pressing” të T7, se Bekim Sejdiu është kandidat konsensual i Vjosa Osmanit dhe Lumir Abdixhikut. Ai ka thënë se grupi parlamentar i...
Më shumëDetailsValon Syla: Për Bekim Sejdiun mund të mos votojnë katër deputetë të LDK-së, dy nga pakicat joserbe – por mund ta jep votën një i PDK-së
Gazetari Valon Syla në “Pressing” të T7, ka thënë se Bekim Sejdiu mund të mos votohet nga katër deputetë të LDK-së. Tutje, ai ka thënë se edhe dy...
Më shumëDetailsUkraina: Do t’i kthehemi temës së njohjes së Kosovës kur të dalim nga flakët e luftës ruse
Një përgjigje e presidentit të Ukrainës, Volodymyr Zelenskyy, se qëndrimi i Ukrainës për mosnjohjen e Kosovës mbetet i pandryshuar, nxiti pakënaqësi në Kosovë dhe kulmoi me heqjen e...
Më shumëDetailsBedri Hamza thotë se asnjë deputet i PDK nuk do të votojë për Bekim Sejdiun, dyshon që VV e LDK i kanë numrat
Kryetari i Partisë Demokratike të Kosovës, Bedri Hamza, ka folur për marrëveshjen e arritur sot në mes VV-së dhe LDK-së që kandidati për president të jetë Bekim Sejdiu,...
Më shumëDetails