Gazetari dhe publicisti Lutfi Dervishi ka lavdëruar FSK-në për gjetjen e trupit të pa jetë të të riut shqiptar Jurgen Karaj, i cili ishte zhdukur në rrjedhën e lumit Mat në Shqipëri para një muaj.
Duke ironizuar me institucionet e Shqipërisë, ai ka bërë me dije se Shqipëria ka dy satelit në hapësirë, por nuk ka qen kërkimi dhe dron për kërkime nën ujë.
Në profilin e tij në Facebook, ai ka shkruar se Kosova nuk ka satelit, por ka ushtri funksionale.
“Kur bie tërmeti, duhet të vijë FSK nga Kosova për të na kujtuar se ne nuk kemi asnjë qen kërkimi. Kur ndodh mbytja e një njeriu, duhet të vijë përsëri FSK për të na kujtuar se nuk kemi asnjë dron për kërkime nën ujë. Por nuk ka problem. Ne kemi dy satelitë, të paguar 6 milionë euro. Kosova nuk ka satelit, as projekt për satelit. Ka ushtri funksionale. Dhe kur ne kemi nevojë, vjen FSK. Ne shohim gjithçka nga hapësira, përveç asaj që ndodh në tokë”, ka shkruar ai.
https://www.facebook.com/share/1CZxuJdGmr/?mibextid=wwXIfr
