Federata Shqiptare e Futbollit ka njoftuar se janë hapur aplikimet për biletat e ndeshjes së shumëpritur Shqipëri–Serbi.
Përmes një postimi në Facebook, FSHF-ja bën të ditur se aplikimi bëhet vetëm përmes platformës zyrtare ebilieta.al.
Tifozët mund të zgjedhin sektorin dhe numrin e biletave (maksimumi 4 për person), duke u identifikuar me një profil ekzistues ose duke krijuar një të ri.
Pas zgjedhjes së biletave, kërkohet konfirmimi i të dhënave dhe vendosja e emrave për çdo biletë përpara finalizimit të rezervimit.
Ndeshja mes Shqipërisë dhe Serbisë zhvillohet më 7 qershor, me fillim nga ora 20:45.
