Ministri i Punëve të Brendshme, Xhelal Sveçla bashkë me policinë e Kosovës kanë mbajtur konferencë të jashtëzakonëshme për media në lidhje me gjithë arsenalin e armëve që policia e Kosovës konfiskoi dje në Zveçan, shkruan Veriu. info
Vetura e cila u konfiskua nga policia del të jetë pronë e një ndërmarje publike serbe
“Kjo veturë është identifikuar si pronë e një ndërmarrje publike shtetërore të Serbisë. Saktësisht shoqëria aksionare e hekurudhave të Serbisë. Nga gjithë kjo është më se e qartë se kush qëndron pas sulmeve në vendin tonë”, ka thënë Sveçla.
“Ditëve në vijim unë do të kërkojë nga Qeveria e Kosovës që organizata “Mbrojtja Civile” dhe Severna Brigada”, të shpallen organizata terroriste”, tha ai.
Lista e armatimit të konfiskuar në Zveçan ishte e gjatë ku u sekuestruan, 9 zolla, 2 osa, 21 granata, 20 predha të tromblonit, 10 armë të gjata automatike, 1 shurdhues të armëve, 51 karikatorë të armëve të gjata, 5756 fishekë të kalibrit të ndryshëm, 11 jelekë antiplumb dhe taktik, etj.
E gjithë këto armë të gjetura, ministri Sveçla tha se dje policia e Kosovës parandaloi një sulm terrorist,konfiskimi i veturës me targa serbe tregon se nga teritori i Serbisë janë futur dhe vetura tjera.
Ndërsa Drejtori i Përgjithshëm i Policisë së Kosovës, Gazmend Hoxha, i është përgjigjur qëndrimit të Komisionarit për Politikë të Jashtme të BE-së, Josep Borrell që tha që nuk do të tolerojnë arrestime jashtëligjore.“Përgjigja jonë është se Policia e Kosovës është insitucioni i vetëm i mandatuar për zbatimin e ligjit në Republikën e Kosovës. Veprimet tona janë të bazuara në ligj”, është shprehur Hoxha.
Kujtojmë se mbrëmjen e kaluar në Zveçan policia ka identifikuar dhe njëherit konfiskuar një veturë me targa serbe, në të cilën kishte pasur një sasi armatimi e mjete të ndryshme ushtarake.
