Kryeministri i vendit, Albin Kurti, kishte deklaruar javë më parë për mediumin publik se janë të gatshëm ta ndihmojnë opozitën për të shkuar në zgjedhje.
I njëjtit kishtë thënë se mund t’i bëjnë votat së bashku me partitë opozitare.
“Unë po them që po shkojmë në zgjedhje kur dëshiron opozita. Ne i ndihmojmë opozitës nëse dëshirojnë të shkojnë në zgjedhje” kishte deklaruar Kurti.
Por, vetëm një ditë më pas, në konferencën e tre vjetorit të qeverisë, Kurti, lëvizi nga qëndrimi i tij.
Ai tha se nuk jep dorëheqje nga pozita e kryeministrit.
“Nëse dëshirojnë që zgjedhjet t’i mbajmë jo në dimër, normalisht që jemi njerëz të arsyeshëm, të kuptueshëm dhe mund të caktojmë data bashkë me opozitën. Por dorëheqje nuk mund të jap” kishte deklaruar kryeministri Kurti një ditë më pas.
Në lidhje me zgjedhjet dhe tërheqjen e Kurtit nga qëndrimet ka folur për “Gazeta Blic” deputeti i Partisë Demokratike të Kosovës, Xhavit Haliti.
Haliti potencoi se nëse opozita kërkon diçka nga, Albin Kurti, atëherë le të kërkojnë të kundërten që e dëshirojnë.
“Më erdhi çudi nga partitë opozitare që e filluan garën zgjedhore, me akuza e kundërakuza realisht të pabesueshme për elektoratin. Por sot dua tua jap një mesazh nga përvoja ime: Nëse opozita dëshiron diçka nga Albini, atëherë le të kërkojnë të kundërten që e dëshirojnë, sepse pozita asnjëherë dhe në asnjë vend nuk i përgjigjet pozitivisht kërkesave të opozites. Për ta detyru qeverinë me i shpallë zgjedhjet e parakohshme duhet me i pasur numrat ose popullin me veti e përmes protestave me detyru qeverinë me dhënë dorëheqje. Mendoj që Albini ka projektet e veta, të cilat nuk i ka publikuar, sepse e ruan zarin për procesin zgjedhorë” deklaroi Kurti për “Gazeta Blic”
