Kryetari i PDK-së, Bedri Hamza ka falënderuar qytetarët, pasi ka përfunduar numërimi i të gjiha votave dhe kjo parti, ka marrë 192,407 vota.
“Faleminderit!
Numërimi i votave ka përfunduar. Partia Demokratike e Kosovës ka marrë 192,407 vota dhe është renditur e dyta.
Këtë besim e marrim me përgjegjësi të madhe.
Në një garë të vështirë dhe të pabarabartë, ruajtja e votës sonë është dëshmi se mijëra qytetarë besojnë në punën, seriozitetin dhe vlerat që PDK-ja i përfaqëson”, shkruan Hamza.
Ai thotë se kjo parti do të riorganizohet dhe do të intensfisikojë veprimin politik.
“Ky besim na obligon më shumë se kurrë që të riorganizohemi, t’i konsolidojmë radhët tona dhe ta intensifikojmë veprimin politik.
PDK do të vazhdojë të punojë për çdo qytetar, pa dallim, në çdo platformë ku jemi të pranishëm, me këmbëngulje dhe me bindjen se Kosova meriton më shumë dhe më mirë.
Faleminderit për besimin!
Puna jonë vazhdon!”, shkruan ai.
