Plani franko-gjerman është amerikan, dhe është marrëveshja finale me Serbinë, aty është njohja e Kosovës. Kështu ka deklaruar lideri i AAK-së, Ramush Haradinaj në intervistën dhënë për “RTK Prime”.
Sipas lideri të AAK-së, dokumenti i cili është ofruar për marrëveshje, e ka njohjen e Kosovës në mënyrë eksplicite. Ai tha se marrëveshja pritet të nënshkruhet këtë vit, derisa planin franko-gjerman është finale dhe se nuk ka marrëveshje tjetër.
Kjo, sipas tij, është krejtësisht e pastruar dhe se nuk ka asnjë ndërhyrje në këtë.
“Kjo është marrëveshja finale, nuk do të ketë marrëveshje tjetër, nuk të ketë më negociata në mes të Kosovës dhe Serbisë për asgjë tjetër… kjo është finalja”, tha Haradinaj, transmeton RTK.
I pyetur nëse është optimist se këtë vit do të arrihet marrëveshja, Haradinaj tha se mundësitë janë . “Unë nuk nënshkruaj, nënshkruan Kurti. Në këtë rast unë do t’ia jepja përkrahjen në rast se merr obligimet bazuar në materien e kësaj marrëveshje”, tha ai.
Kryetari i AAK-së dhe ish-kryeministri i Kosovës, foli edhe për targat. Ai foli edhe rreth deklarimit të kryeministrit Kurtit se nuk ka kthim mbrapa sa i përket vendimit për targat e automjeteve.
“Mendoj se kërkesa e zotit Escobar, por edhe e QUINTi-it është që të kihet kujdes dhe të planifikohet mirë edhe kohëzgjatja e implementimit në mënyrë që mos të ketë tensione dhe incidente…që mund të shfrytëzoheshin ose prej palës serbe ose prej palëve tjera për të fajësuar Kosovën”, tha ai.
Haradinaj tha se çfarëdo përkeqësimi i situatës të rendit ligjorë dhe të sigurisë në cilëndo pjesë të Kosovës nuk i shkojnë përshtati Republikës dhe agjendës së saj.
“Ne i kemi disa tema që janë mjaft serioze. Në pritje kemi edhe situatën e liberalizimit të vizave, pra një proces për të cilin ne duhet të çojmë vetëm lajme të mira të një qetësie e rendi publik funksional, e njëkohësisht i vetmi që përfiton nga këto gabime është Vuçiq”, deklaroi lideri i AAK-së.
