Ish-nënkryetari i OVL UÇK-së, Nasim Haradinaj ka vazhduar kritikat ndaj Gjykatës Speciale.
Ai ka bërë me dije se kjo gjykatë është themeluar për të përçarë dhe njollosur Ushtrinë Çlirimtare të Kosovës.
Në një intervistë për T7, ai ka thënë se Specialja i ka sjell vetëm dëme Kosovës.
“Gjykata Speciale kryekëput është ngritur me përça dhe me e njollosë UÇK-në”, ka thënë Haradinaj.
Sipas tij, ajo gjykatë synon të barazojë viktimën me agresorin.
“Nëse Kosova dhe ata njerëz që na prezantojnë atje dënohen për këto vepra që padrejtësisht ngarkohen, ose në fund të fundit janë të dyshuar, unë mendoj që Kosova hyn në të njëjtin grup me forcat serbe, dhe lufta jonë determinohet si joçliruese”, është shprehur Haradinaj.
