Kryetari i Aleancës për Ardhmërinë e Kosovës, Ramush Haradinaj, kas kritikuar ashpër kryeministrin Albin Kurti, të cilin e ka quajtur mashtrues, pasi e vodhi Kosovën në mënyrë tinëzare.
Sipas tij, kur kreu i ekzekutivit flet për korrupsion, më së miri i përgjigjet fjala popullore, të vret ditën e të vajton natën.
“Kur flet Kurti për korrupsionin sikur edhe për shumë tema tjera, vjen një shprehje ajo fjala popullore “të vret natën e të vajton ditën”. Që nga ardhja në pushtet Kurti dhe VV me mashtrime dhe në formën më tinzare në mënyrë sistematike dhe tek resorët më të ndjeshëm vodhën popullin e Kosovës”, tha Haradinaj përmes një shkrimi në Facebook.
Sipas tij, Kurti e Ridi, e vodhën bukën e Kosovës.
“Me Ridin vodhën bukën e Kosovës atëherë kur kishte frikë botërore nga kriza e bukës. Me Nagipin vodhën rrymën në kohën kur në bursa çmimi kishte arritur majat e papara. Popullit ja dyfishuan çmimin, e Nagipin dhe Martinin që ndërmjetësuan në shitjen e rrymës serbe ende i mbrojnë dhe i mbajnë si heronj. Mbi 280 milionë euro para të popullit i larguan nga konkurrenca dhe ligji dhe me partnerë në krim i përdorën si me qenë plaçkë gjahu”, theksoi ai.
Sipas Haradinajt, shpejt do të vije dita kur lufta ndaj korrupsionit do të fillojë, e vajtuesit e ditës do të shihen si kriminelë.
“U mashtruan se kontratat e klasifikuara mbesin përgjithmonë të klasifikuara dhe u “flliqën” deri në atë masë sa blerjet e tyre rrezikojnë sigurinë e njerëzve të Kosovës. Asgjë nuk do të ndal deklasifikimin e këtyre kontratave dhe asgjë nuk do të ndal konfrontimin e hajnive të tyre me qytetarin e Kosovës. E shpejtë do të jetë dita kur lufta e njëmendtë kundër korrupsionit do të fillojë e “vajtuesit e ditës” do të shihet se janë kriminelët më të mëdhenj të këtij vendi”, ka thënë Haradinaj.
