Kreu i AAK’së, Ramush Haradinaj, i ka cilësuar si të vonshme vendimet që mori sot Qeveria në detyrë për rritjen e pagës minimale, pensioneve dhe shtesave.
Haradinaj ka thënë se kjo rritje është dashur të ndodhë para shumë vitesh, duke shtuar se me qeverisjen e tij, pensioni bazik do të jetë 200 euro, ndërsa paga minimale do të jetë 600 euro.
“Shumë vonë, shumë pak. Marre! Kjo rritje është dashur të ndodhë para shumë vitesh. Në takimin e parë të qeverisë sonë, pensioni bazik do të jetë 200 euro, ndërsa paga minimale do të jetë 600 euro. Shtesat për të gjithë fëmijët nga 0–16 vjeç do të kenë rritje të konsiderueshme. Nënat me dy fëmijë do të marrin 100 euro, ndërsa nënat me katër fëmijë do të marrin 300 euro në muaj”, ka shkruar Haradinaj./Reporteri.net
