Në njëvjetorin e vrasjes së heroit Afrim Bunjaku nga terroristët serbë, kryetari i AAK’së Ramush Haradinaj, e ka vizituar familjen Bunjaku në Vushtrri.
Haradinaj ka thënë se sot kujtojnë trimërinë, vendosmërinë dhe sakrificës e heroit Afrim Bunjaku.
“Sot kujtojmë trimërinë, vendosmërinë dhe sakrificën sublime të “Heroit të Kosovës”, Afrim Bunjaku, i cili ra heroikisht në mbrojtje të paqes, sigurisë dhe jetës së qytetarëve të Republikës së Kosovës.”
Haradinaj ka shtuar se familjes Bunjaku ua ka shprehur respektin e përjetshëm për sakrificën e Afrim Bunjakut.
“Në njëvjetorin e rënies, zhvillova homazhe pranë varrit të tij dhe vizitova familjen e tij në Samadrexhë të Vushtrisë. Me këtë rast, bashkëshortes së tij, Lumnijes, vajzës Arbenitës, djemve Jetlumit e Fatlumit dhe gjithë familjes Bunjaku, u shpreha respektin e përjetshëm për sakrificën e Afrimit, që është një nder i përhershëm për Kosovën dhe të gjithë qytetarët e saj.”
Ai në fund ka shkruar se Kosova dhe qytetarët e saj do ta kujtojnë përgjithmonë me respekt dhe përulje heroin Afrim Bunjaku.
