Publikimi i aferës ‘’Zdravo’’ bëri që dje të ketë përplasje edhe fizike në parlamentin e vendit.
Të përfshirë ishin deputetët e PDK me disa nga anëtarët e kabinetit qeveritar si dhe disa deputetë të shumicës.
Për lajmi.net ka folur deputeti i PDK, Bekim Haxhiu.
Ai ka dhënë disa arsye se si ka ardhë deri te eskalimi i situatës.
Sipas tij kjo ishte nxitur nga ana e Qeverisë për të larguar vëmendjen nga afera ‘’Zdravo’’ dhe ‘’dëmtimi’’ i veteranëve dhe disa kategorive të tjera.
‘’Ka qenë një provokim i Qeverisë për te zhvendos vemendjen nga Afera Zdravo dhe për te miratuar ligje qe cenojn te drejtat e veteranve te UÇK-se, të verbërve dhe paraplegjikëve’’, ka thënë ai
Ai tha se me këtë ia arriti Qeveria që të lë jashtë pagës minimale veteranët e luftës.
‘’Derisa qyetarë ishin mbrëm ne gjum, natën vonë Qeveria Kurti ,përmbush zotimin e “AFERËS ZDRAVO” që u diskutua me përfaqesuesin e Radojçiqit duke lënë jashtë pagës minimale veteranët e UÇK-së’’, përmendi ai.
Sipas Haxhiut pushteti po e bënë këtë për një ‘’qëllim’’ të caktuar.
‘’Me këtë veprim ai qëllimisht po i provokon veteranët që të dalin në rrugë e të krijohen trazira. Zbaton kërkesën e Serbisë për hulumtim të krimeve të luftës deri me datën 31 dhjetor 2000, duke shkelur ditën e çlirimit nga Serbia që është 12 Qershor 1999’’, theksoi ai.
Ai renditi edhe disa kritika për të parin e Qeverisë.
‘’Kërkesat e Serbisë tanimë i ka shëndrruar në normë ligjore. Kurti vazhdon t’i sherbejë Vuçiqit. Refuzon SHBA-es dhe tërhiqet nga Veriu me marrëveshje ne Bratisllavë pa asnjë përfitim për Kosovën. Sanksionet dhe izolimi nga partnerët strategjik euro-atlantik mbesin në fuqi’’, u shpreh ai.
