Deputeti i PDK-së, Bekim Haxhiu, sot në kuadër të 26-vjetorit të Epopesë së Ushtrisë Çlirimtare të Kosovës, bëri homazhe dhe vendosi lule në Kompleksin Memorial “Adem Jashari në Prekaz”, njofton Veriu.Info.
Haxhiu ka shkruar se Epopeja e UÇK-së e 5,6 dhe 7 marsit është Beteja më e lavdishme e popullit shqiptar.
Ai theksoi se falë sakrificës sublime të komandantit legjendar Adem Jashari dhe familjes së tij Kosova u çlirua dhe gëzon pavarësinë sot.
“Lavdi familjes Jashari dhe gjithë të rënëve për liri”-shkruan Haxhiu.
Postimi i plotë:
Epopeja e UÇK-së e 5,6 dhe 7 marsit është Beteja më e lavdishme e popullit shqiptar.
Betejë e një familje kundër një ushtrie, kundër një shteti siç ishte Serbia.
Betejë që përcaktoi fatin e popullit të Kosovës.
Falë sakrificës sublime të komandantit legjendar Adem Jashari dhe familjes së tij Kosova u çlirua dhe gëzon pavarësinë.
Pa këtë sakrificë, flijim hyjnor shembull unikat në botë, as bota demokratike nuk do të na ndihmonte ta fitojmë luftën tonë.
Përjetësisht lavdi komandant i përmasave botërore që sot rrisim fëmijët në Kosovën e lirë.
Lavdi familjes Jashari dhe gjithë të rënëve për liri!
