Një familje ukrainase e cila u zhduk në fshatin e tyre në perëndim të Kievit muajin e kaluar, është gjetur e vdekur në një varr të cekët.
Olha Sukhenko, burri i saj Igor dhe djali i saj Oleksander, dyshohet se janë qëlluar për vdekje nga ushtarët rusë. Një trup i katërt u gjet gjithashtu i pajetë, por nuk është identifikuar.
Forcat ruse morën Olha – e cila shërbeu si kryetare e fshatit të saj Motyzhyn – dhe familjen e saj nga shtëpia e tyre më 23 mars, zbuloi një hetim nga kryeprokurori ukrainas, raporton BBC.
Në postimin e fundit të Olhas në Facebook para vdekjes së saj, të postuar në fund të shkurtit pas pushtimit rus, ajo shkroi se ka “lluma të dikujt tjetër në fshatin tonë” dhe paralajmëroi banorët që të ruajnë qetësinë dhe të mos largohen nga shtëpitë e tyre.
Dy ditë pasi familja dyshohet se u zhduk nga forcat ruse, një grua e quajtur Daria apeloi në mediat sociale për informacion mbi vendndodhjen e tyre, duke thënë se ata ishin “familja e dytë” e saj dhe “ndihmuan njerëzit deri në fund”.
Ajo tha se forcat ruse kishin vjedhur makinën e Oleksander dhe po “kalonin nëpër fshat”.
Pasi doli se familja ishte vrarë, Daria postoi një përditësim:
Nuk kam fjalë dhe forcë të mjaftueshme për të përshkruar se si ndihemi unë dhe e gjithë familja ime.
Ky është një krim – në çdo kuptim. Të gjithë të përfshirët do të dalin para gjykatës.
Duke iu referuar Oleksander, ajo shkroi:
Sasha, moj Hero. Nuk i ke lënë pas prindërit. Do të jesh përgjithmonë në zemrën time. Në zemrat tona. Heronjtë nuk vdesin.
